公仔箱論壇 - Powered by Discuz! Board

標題: 遊客一宿難求　旅遊之都丟架 [打印本頁]

作者: tyktyk22000 時間: 2011-12-25 09:47 AM 標題: 遊客一宿難求　旅遊之都丟架

如果孔子在生，又咁啱諗住聖誕佳節來港一遊，一定乘興而來，敗興而歸。點解？佢老人家話齋，有朋自遠方來不亦樂乎，可惜香港呢個所謂「旅遊之都」徒有虛名，客人一宿難求，酒店海鮮價，隨時流落街頭吊吊揈，咁仲唔係乘興而來，敗興而歸？

今年旅遊業旺到爆，單係十二月內地入境團就比舊年同期多咗超過四成，客似雲來，旺丁旺財，真係想窮都難。不過咪開心住，本港酒店房間供應緊張，房租驚人，今個聖誕假期，三星級酒店比平日貴咗成倍，連賓館房價都搶到二、三千蚊一晚，問你怕未。5.39.217.76! }3 n( \, _- l% Q& U
公仔箱論壇* l7 R! J$ h2 D8 _$ D
講起嚟真係得啖笑，港府口口聲聲話旅遊業係經濟支柱，但對酒店房間長期供應不足就闊佬懶理，遊客唔係畀酒店斬到一頸血，就係求宿無門，迎賓變趕客，直頭係倒旅遊業米。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。. E% Z1 C' A8 C

冇法子喇，跛腳鴨政府踢極唔郁，業界惟有諗計自救。嗱，旅遊業議會建議當局效法其他地區，利用民宿接待旅客，相信可以即時紓緩酒店房間供不應求情況。

話時話，呢個建議有得諗。呢種小型家庭旅館收費相宜，各具特色，最啱個人遊旅客。民宿喺歐美國家以及日本、台灣等地相當普及，做到有聲有色，連內地政府亦積極推動民宿服務，唯獨港府乜都唔做，真係失禮死人。5.39.217.769 i" E' z! { B
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。! \- g0 j8 X; O
其實，依家資訊科技咁發達，民宿透過互聯網宣傳推廣、接受訂房，無遠弗屆，不知幾方便。只要政府肯積極推動，再加上制訂適當嘅監管措施，民宿絕對有得做，唔止幫到旅遊業，仲可以製造唔少就業機會添。9 a7 S$ n. f2 u2 m6 S
5.39.217.767 C$ r, f9 C% g
提到監管，真係火都嚟埋。酒店需求愈來愈大，本來政府有大把嘢可以做，譬如，當局成日話要活化工廈，可以將丟空嘅工廠大廈改建做廉價酒店，咁咪可以解決唔少問題咯。弊在當局坐而論道，畫餅充飢，反而坐視違法經營嘅無牌賓館開到成行成市。呢類無牌賓館好多位於舊樓，人流複雜，治安又差，唔少仲涉及非法劏房及存在嚴重消防隱患，一旦發生意外，後果可大可小。呢，今年七月尖沙咀重慶大廈發生一宗造成多人不適送院嘅二級火警，涉事單位就係無牌經營嘅旅館。tvb now,tvbnow,bttvb* D. \: _2 L- o7 I' m

內地開放個人遊為香港「送水」，點知本港旅遊配套設施無論硬件定軟件都跟唔上發展需要，簡直係捉到鹿唔識脫角。唉，港府好似老奉咁，淨係識伸手，唔識做嘢，再咁落去，阿爺點撐香港都冇用喇。計功夫茶話齋，咁嘅「旅遊之都」，賓至如歸係假，走夾唔抖就真！

歡迎光臨公仔箱論壇 (http://5.39.217.76/)