公仔箱論壇 - Powered by Discuz! Board

標題: 笨官自毀長城　電霸巧取豪奪 [打印本頁]

作者: tyktyk22000 時間: 2011-12-19 09:24 AM 標題: 笨官自毀長城　電霸巧取豪奪

賺大錢仍然瘋狂加價，似乎已經變咗香港慣例。隧道公司係咁，港鐵公司係咁，電力公司毫不例外亦係咁。中華電力同香港電燈去年分別淨袋一百零三億元以及七十二億元盈利，仍然提出明年一月一日起增加電費。中電仲要勢兇夾狼加價百分之九點二，雖然引起公憤群起而攻之，不過「電霸」一於睬你都傻。tvb now,tvbnow,bttvb" Z, }% [6 L% H5 X/ {* L5 W
點解電力公司可以惡得咁交關嘅呢？無他嘅，特區政府百般縱容吖嘛，簽訂不平等條約喪權辱港，卒之搞到一鑊粥。呢家嘢就叫做，官老爺請客，小市民埋單。) p' s3 W" M9 n+ K$ D# N, }. X, D
公仔箱論壇4 h9 M6 B" O# v, q- K* m
係呀，真係喪權辱港嘅不平等條約。根據○八年簽訂嘅利潤管制協議，電力公司有權賺盡利潤百分之九點九九。而且咯喎，電力公司永遠立於不敗之地，事關利潤回報率係以資產金額計算，投資愈多利潤愈大。換言之，電力公司可以巧立名目投資呢樣、投資嗰樣，然後伸大手板向消費者索取「應得回報」。所以話啫，利潤管制協議其實係利潤保證協議，你話唔係巧取豪奪都好難搵人信。
好嘞，曾蔭權跳出嚟講一句「電費加幅不可接受」，大家係咪覺得廢噏呢？梗係廢噏啦，始作俑者又係你，事後孔明又係你，難怪特首辦社交網站有不少留言係叫煲呔收嗲。
「東方報業民意調查」顯示，四成五受訪者認為電費加幅遠超通脹不能接受；三成五直斥離譜，冇考慮市民負擔；一成六形容電力公司獅子開大口。另外，三成七狠批電力公司冇履行社會責任；三成一歸咎政府失策縱容賺到盡；兩成七不滿電力公司霸王硬上弓。5.39.217.76% x8 @6 z3 z1 N7 ?" y
所以話啫，民眾眼睛是雪亮的，心智正常少少都明白電力公司瘋狂加價嘅罪魁禍首係特區政府。調查顯示四成四受訪者感到，事件反映港府對公共事業加價監察不力；三成六直斥夕陽政府似冇牙老虎；一成四批評港府如橡皮圖章。
至於口口聲聲呼籲電力公司負上社會責任，並且暗示網民發揮群眾壓力嘅曾蔭權，大家又點睇呢？三成六受訪者認為呢條友仔得把口；三成表示煲呔要負最大責任；兩成六直斥佢係始作俑者，不過想置身事外。環境局局長邱騰華都難辭其咎，三成九認為佢冇能力討價還價；三成五覺得佢未盡力，唔知傾過乜；兩成批評局長無計可施。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。8 u1 F: r' c7 i% w
計功夫茶話齋，點講都係政府累街坊，否則唔會有咁多賺大錢仍然瘋狂加價嘅案例。人必自侮而後人侮之，笨蛋官僚自毀長城，同各路梟雄簽訂不平等條約，人哋咪進一步當政府係毋須理會嘅大傻瓜囉。最終受害嘅，又係可憐嘅香港人！

歡迎光臨公仔箱論壇 (http://5.39.217.76/)