公仔箱論壇 - Powered by Discuz! Board

標題: 中港大肚婆戰產房 - 陶傑 [打印本頁]

作者: go2david 時間: 2011-12-7 11:08 PM 標題: 中港大肚婆戰產房 - 陶傑

大陸大肚婆湧來香港生仔，霸佔私家醫院。聽講銅鑼灣之聖保祿法國醫院，已經被網絡所稱之蝗蟲大舉佔領，產房全部係大陸人，睇怕從此要改名「聖寶祿中國醫院」至啱。中間嗰個寶字，係國務院總理溫寶寶個寶呀。

祖國孕婦霸住私家房生仔，乘機在房內食火鍋、煲臘味飯，D大陸男士佔用廁所又唔沖廁，搞到臭崩崩，據說令到本地產婦極為不滿。
公仔箱論壇" F& z, q; C. K
不過陶總認為，血濃於水，溫飽權是最大的人權。祖國產婦在產房內煲臘味飯，食火鍋，甚至BBQ，只不過係反映咗中國人民追求飲食享受之一般國情。我哋香港人唔鍾意食咩？同佢同房，佢食火鍋，享受北京涮羊肉，你咪喺自己床邊開多個鍋，一於淥小肥羊同埋魚蛋豬皮囉。& X0 G, d1 T( A( O9 O
tvb now,tvbnow,bttvb! u Y B% c3 u& ~
點樣有效抗擊祖國產婦霸用香港私家醫院之產房？陶總認為，冇乜辦法，因為人哋有錢，而香港係一個經濟城市，就算聖保祿法國醫院敬拜聖母和耶穌，不過財神來到，俾到十幾萬，耶穌、聖母都要讓一讓。

本地產婦若果條氣唔順，編正同大陸大肚婆一個產房，不妨捷足先登，先發制人，在產房內開枱麻雀，日日攻打四方城，約齊三個師奶，霸晒個產房，日日夜夜噼噼啪啪，一鋪自摸清一色兼對對胡，咁就可以用個氣勢壓倒大陸囉。佢煲臘味飯，你又可以喺個產房唱K，同個大肚婆一齊唱，唱完「月亮代表我的心」，又到「血染的風采」，跟住仲可以乘機進行胎教，等個BB喺個肚度，聽完流行音樂，出世之後咪即時陳奕迅托世囉。

歡迎光臨公仔箱論壇 (http://5.39.217.76/)