公仔箱論壇 - Powered by Discuz! Board

標題: 速設申訴機制　摑醒黃綠醫生 [打印本頁]

作者: tyktyk22000 時間: 2011-11-29 09:27 AM 標題: 速設申訴機制　摑醒黃綠醫生

速設申訴機制　摑醒黃綠醫生即使你唔係女人，你都應該知道媽媽懷孕係一件幾咁偉大嘅事。雖然內地孕婦不斷來港衝閘產子，之但係你又不得不佩服佢哋嗰一種為兒為女嘅血拚精神，事關未經預約而失驚無神衝去醫院生仔，確係非一般嘅危險動作，冇番咁上下置諸死地而後生嘅勇氣係絕對冇可能做得出。

就算身為正宗本地人嘅港產媽媽，光明正大經過預約程序入院產子，到頭來都有可能岌岌可危。無他嘅，醫護人員做到殘，醫療事故停不了，孕婦產子嘅風險變得相當高。
呢嗱嗱嗱，好似沙田威爾斯親王醫院咁吖，一位三十多歲女子今年五月接受剖腹手術產子，滿心歡喜迎接小生命來臨，點不知手術出問題，醫生錯誤刺穿膀胱。你知啦，膀胱刺穿嘅後遺症係漏尿失禁，而且精神上仲要承受極大壓力，雖然院方事後進行多次手術嘗試補救，但係情況未見好轉。於是乎，受盡折磨嘅事主打算申請法律援助向院方追究責任。公仔箱論壇! t, @5 X; T O9 I- I% s+ F* N
因乜事幹醫院會一而再、再而三擺出咁多烏龍嘅呢？具體情況當然要查過至知，不過人手短缺肯定係其中一大關鍵。就以威院為例，產科截至上月底流失十一名年資超過五年嘅護士，目前仍然有十四個空缺。院方最近推出新設分娩流程，將部分原於產房待產嘅孕婦分流至新增嘅候產室，目的係騰出人手同病床處理產房嘅急症個案。可惜吖，人手短缺等於七個蓋冚十個樽，必須產房同候產室兩邊走嘅前線護士忙到甩頭甩髻。有護士就話嘞，夜更只有六人當值，兵荒馬亂之際連食飯同如廁都冇時間，質疑管理層嘅做法係夾硬嚟，難免會迫使更多護士搵工跳槽。% j' P4 x( `5 M( P' M& W* n
立法會近來有一派意見認為，應該設立法定醫療服務申訴專員公署，以便為受害病人討回公道。計功夫茶話齋，呢個意見可以用一個字形容：好！tvb now,tvbnow,bttvb7 G) |% |- Z- E. u" X+ X' U
喂，有人傻更更打錯針，有人懵盛盛輸錯血，有人甚至矇查查害到無辜小生命魂歸天國，呢啲黃綠醫生當然要受制裁㗎啦，設立申訴機制絕對啱數。仲有喎，人手短缺嘅罪魁禍首係邊個？當然就係管理不善嘅醫管局以及食衞局局長周一嶽，假如有人可以左一巴、右一巴摑醒所有笨蛋，咁就確係值得劏雞還神！
之不過咁，最緊要快，周一嶽等人好快就夠鐘收工，如果申訴機制趕唔切兜口兜面摑佢一巴，肯定會有好多受害病人覺得公義不彰。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。: h1 D r- z. ~1 W- l( j
咁啦，唔理下屆特首係蠢豬定係奸狼，上任第一要務就係確保申訴機制有效運作，防止黃綠醫生同廢柴官僚為禍人間吖嘛！

歡迎光臨公仔箱論壇 (http://5.39.217.76/)