公仔箱論壇 - Powered by Discuz! Board

標題: 食安中心太失職食不安心真失敗 [打印本頁]

作者: tyktyk22000 時間: 2011-11-17 09:48 AM 標題: 食安中心太失職食不安心真失敗

食安中心太失職食不安心真失敗特區政府有一個食物及衞生局，局方轄下有一個食物環境衞生署，署方轄下有一個食物安全中心。一層疊一層，一環扣一環，成條「官場食物鏈」開宗明義就係管理食物。無他嘅，民以食為天吖嘛，一旦食物唔安全，食死人又冇骨灰龕位安葬，好頭痛啫。5 c6 W* ^! {& c) D1 v9 W( ?' Z
5.39.217.768 v! g; X; a7 Z; X
之但係咁，如果你認為有一個食物安全中心鎮守邊疆看門口，大家可以開懷大嚼食得安心，咁你就錯嘞。事關食安中心工作態度求求其其，審計署一嘢踢爆佢哋監察不力。
自從去年七月開始，所有預先包裝食物必須清楚顯示「１＋７」營養標籤，即係包括能量以及七種核心營養素，蛋白質、碳水化合物、總脂肪、飽和脂肪酸、反式脂肪酸、鈉同糖，並且必須列明各種涉及聲稱嘅營養素含量。食物安全中心檢查過萬幾款食物，營養標籤合格率高達百分之九十九點三。
情況聽落好似相當理想，不過可惜吖，誤導成分居多。審計署喺市面購買七十個食物樣本委託大學化驗，發現四十二個樣本不符合營養標籤規定。換言之，合格率只有四成，六成食物違規。
因乜事兩者數據相差咁大？審計署就話嘞，佢哋抽查食物樣本嘅地方，除咗大型超市之外，仲包括雜貨店在內，而食物安全中心多數只會抽查違規風險較低嘅大型超市。打個譬喻吖，警察掃黃梗係去龍蛇混雜嘅鬧市舊樓o架啦，冇理由走去新型屋苑，更加冇可能走去半山區問人哋：喂，你呢一幢洋房有冇一樓一鳳呀？5.39.217.76& d8 K) d f' }' i1 Y. G& X
食安中心集中火力抽查大型超市，對於雜貨店等等高風險之地視而不見，原因不外乎貪方便嘅啫。梗係啦，師奶仔都鍾意逛大型超市，乾乾淨淨貨品齊全，官僚主義最擅長懶得就懶，所以一個二個師奶仔上身。
另外，審計署又批評食安中心冇積極執法，對於嬰兒及特殊膳食食物標籤或宣傳品嘅虛假聲明，並無援引條件取締。根據《公眾衞生及市政條例》第六十一條規定，任何標籤或宣傳品均不得對食物作出虛假說明或誤導他人。係就係有例可援，不過食安中心至今未曾就任何有關嬰兒及特殊膳食食物嘅個案採取行動。: Z- m% l. o; I3 c
所以話啫，食安中心太失職，食不安心真失敗。其實唔止食安中心有必要接受審計署批評，從而好好改善，而且成條「官場食物鏈」都必須深刻反省。香港久不久就出現食物危機，唔通要食到腸穿肚爛先至嚴密把關咩？莫講話食死人冇骨灰龕位吖，食物中毒都未必有足夠嘅醫護人員醫治，鬼叫醫院逃亡潮至今未解決咩！

歡迎光臨公仔箱論壇 (http://5.39.217.76/)