公仔箱論壇 - Powered by Discuz! Board

標題: 逼墳場改道　拓展署霸道 [打印本頁]

作者: tyktyk22000 時間: 2011-11-14 09:28 AM 標題: 逼墳場改道　拓展署霸道

逼墳場改道　拓展署霸道每逢春秋二祭，孝子賢孫就慘咯，尤其係將軍澳華人永遠墳場，嗰一條上山長命斜，簡直怨聲載道。清明時節雨紛紛，見到通往墳場嘅路又長又窄又斜，名副其實就係，路上行人欲斷魂。tvb now,tvbnow,bttvb6 L. H/ |" e5 w" v' P8 g

華人永遠墳場管理委員會都算利民紓困，五年前自資興建另一條行人路，目的自然係疏導拜山人潮，預計明年初可以啟用。新路成本超過三億大元㗎，你都咪話唔大手筆。記者曾經視察過新路，全長一千五百米，路面闊六米，斜度全部低於一比十二，遠比舊路嘅一比六平坦。
根據記者嘅親身體驗，新路感覺如履平地，同舊路只要行十分鐘就上氣唔接下氣嘅艱苦情況相比，直情係天淵之別。簡單咁講，新路唔再係孝子賢孫視為畏途嘅斷魂之路。
聽落係咪幾理想呢？之不過咁，但凡講古仔總有反高潮，呢一個蕩氣迴腸嘅拜山故事，反高潮在於官老爺霸道，夾硬將通往墳場嘅新路變成「死路一條」！
土木工程拓展署話喎，現正籌備興建連接將軍澳至藍田嘅跨海隧道，二○一五年展開工程，走線將於新行人路下方約二十幾米通過，影響長約一百米嘅地基，所以拓展署要求華人永遠墳場管理委員會遷就。點樣遷就呢，大老爺？拓展署就話嘞，行人路其中一段要封閉停用，由署方另行興建一條替代路徑接駁。話就話接駁路徑同被封閉嘅路徑相差無幾，不過墳場管理委員會強烈質疑。公仔箱論壇2 y& y' f1 O# X
委員會提出五大反對理由，一：新路啟用兩年就要改道，不符成本效益；二：新路完工在先，隧道開工在後，應該由拓展署遷就；三：改道工程影響市民上山拜祭；四：改道會帶來額外行政開支；五：改道可能令路面長度、闊度同斜度改變，損害公眾利益。. G4 m a, v1 D, v" }5 {$ t
呢嗱嗱嗱，你話拓展署係咪霸道？人哋條路明年就要啟用，興建隧道係四年後嘅事，正常而言梗係拓展署去遷就對方㗎啦。好似興建貫通地底嘅港鐵咁吖，地面有咁多高樓大廈，你冇理由叫人拆樓方便你鑽窿啫。同樣道理，興建跨海隧道既然係後來者，當然應該由拓展署自己諗辦法解決問題啦。公仔箱論壇6 ^/ p5 D$ ?8 c; A! m
再講吖，假如真係改道，疏導人流嘅原意有機會盡廢武功。事關改道或者會造成路面出現樽頸，清明同重陽嘅掃墓高峰期每日人流十萬人次，一旦塞死喺樽頸位置，真係唔知會發生乜嘢事。$ Y: k- c! S% N! p( ~$ z, I- Q2 j# O) V
撇開樽頸問題，強迫墳場改道會唔會增加路面斜度呀？會唔會又令到拜山人士冇咗半條人命呀？好心拓展署唔好咁鬼死刁蠻啦，畀條生路人哋行下都得啩！

歡迎光臨公仔箱論壇 (http://5.39.217.76/)