公仔箱論壇 - Powered by Discuz! Board

標題: 雙頭龜離奇失竊案 - 陶傑 [打印本頁]

作者: go2david 時間: 2011-11-9 02:53 PM 標題: 雙頭龜離奇失竊案 - 陶傑

馬灣挪亞方舟突然發現雙頭龜離奇失竊案，方舟博物館一隻天生有兩個頭之珍珠龜，在一個密封之水缸，不翼而飛，館內職員點算至發現唔見咗隻雙頭龜，即時報案，警方經已接手調查。公仔箱論壇( V9 H4 d1 M/ [# E" a/ u
無啦啦有隻雙頭龜喺度，點解會人間蒸發？挪亞方舟與上帝有關，陶總認為，此一離奇案件，不排除係神蹟，有耶和華借雙頭龜向全港市民發放達文西密碼，有重大之驚天訊息。
今日特首選舉，兩大候選人，雙頭龜之一個「雙」字，亦與「兩」或「二」相同。耶和華透過雙頭龜失蹤發出之啟示，就係本屆香港特首選舉，會出現「雙頭龜現象」，除咗兩個頭兩個樣唔同，查實個身軀都係同一隻烏龜之外，雙頭龜講嘢有兩對眼同兩個口，耶和華藉此警告香港：要特別提防明年特首選舉，大量「雙頭龜語」出籠。
例如明明話過六四鎮壓有利國家穩定，雙頭龜依家就會改口，話六四有「唔同意見亦好正常」，又或者雙頭龜以前講過「二十三條一定要立法」，但臨近選特首，雙頭龜又會話「查實二十三條立唔立法都冇咁緊迫，要睇民意而定」。「民意」幾時突然咁重要？爺意先至最有決定性。今日香港立立亂，就係通街都有慢步爬行之雙頭龜。細心睇吓，佢兩個頭，一個龜頭望左，另一個龜頭望右，望右嗰個龜頭，開口講人話，直頭係上帝顯靈，嚇死人，而望左嗰個龜頭，開口發出一D奇異之龜話，冇人聽得明。
所以馬灣挪亞方舟好失唔失，突然唔見咗雙頭龜，點解咁啱線，大把動物，金魚又冇唔見，貓狗又冇唔見，淨係唔見隻雙頭龜呢？所以陶總呼籲，無論區議會定乜會投票，選民至緊要睇實，可以投阿豬阿狗一票，千祈唔好投雙頭龜一票呀。

歡迎光臨公仔箱論壇 (http://5.39.217.76/)