標題:
搵外援杯水車薪 醫管局藥石亂投
[打印本頁]
作者:
tyktyk22000
時間:
2011-11-2 09:14 AM
標題:
搵外援杯水車薪 醫管局藥石亂投
搵外援杯水車薪 醫管局藥石亂投有病就梗係要去睇醫生啦，做醫生嘅，當然要對症下藥。之但係咁，如果病咗嗰個係醫管局，咁又點算好呢？
tvb now,tvbnow,bttvb4 V7 \( R/ i. G! d7 ~) H9 F
8 R. Q) `4 c- K3 N- Z5.39.217.76
呢嗱嗱嗱，醫管局真係病得好鬼死頹o架，直情係五顏六色嗰隻，否則就唔會出現人手嚴重短缺嘅難題，逃亡潮一浪接一浪，家陣七個蓋要冚十個樽。好嘞，為咗醫好自己個病，醫管局開出一條藥方，叫做招聘海外醫生。當然啦，招聘海外醫生同一般所講嘅輸入外勞不可同日而語，畢竟唔係阿貓阿狗都有資格做醫生。
2 U( z$ \2 W* d& B z
呢條藥方仲有一點比較特別，海外醫生只須喺外國考獲相符或以上資格就得，毋須再喺香港考試。醫管局擺明車馬求才若渴，幾乎但求就手不理好醜。
- \9 m) ]1 x/ k. r2 D! ]4 _5.39.217.76
問題係，輸入外勞……唔係……招聘海外醫生成效如何呢？招聘程序展開至今超過半年，首批可聘用嘅海外醫生係十個咁大把，分別係急症兩人、內科兩人、麻醉科六人。難怪有人形容為杯水車薪，連填補一間醫院嘅空缺都未夠。以威爾斯親王醫院為例，半年以來流失六名醫生，急症室有四個空缺。整體而言，醫管局預計本年度要招聘五百名醫生，可惜至今只有二百八十六人到位，仍然有二百幾張空櫈虛位以待。
3 c. c) \$ f2 `& v; e5.39.217.76
計功夫茶話齋，招聘海外醫生實在無可厚非，鬼叫你真係天殘地缺，影響公立醫院服務咩。所以，醫生團體盲目反對引入海外醫生，確實值得商榷。之不過咁，招聘海外醫生並非對症下藥嘅最佳辦法，事關人手短缺好多時候係資源錯配嘅後果。正如醫學界立法會議員梁家騮所講，醫管局管理不善，資源分配不均，先至會導致人手緊絀。
公仔箱論壇3 k, c6 L5 [# Q2 H& E
所謂資源錯配，意思係話有人冇嘢做、有人做到嘔。若然你係做到嘔嗰個，如無意外都想蟬過別枝，跳槽去私家醫院係最常見嘅現象。情況持續落去就變成惡性循環，先係能者多勞，然後能者多逃，咁咪造成一浪接一浪嘅逃亡潮囉。
2 k6 H1 B# b$ t
所以話啫，如果醫管局唔諗辦法改善制度上嘅流弊，只係以海外醫生去填補空缺根本冇可能解決人手問題。更何況，搵外援成效不彰，洋菩薩唔肯來港唸經，乜都嘥氣啦！
tvb now,tvbnow,bttvb+ d' ?& B N" H7 @
可以咁講，醫管局藥石亂投，冇針對自己嘅實際病情而亂咁開藥。關鍵就係要檢討醫管局嘅管理架構，重新調配資源，做到人盡其才，否則搵更多嘅外援都係冇鬼用o架。
$ p U9 ~, }- N! l/ R6 m
講到尾，唔該醫管局高層好好反省，一個二個年薪幾百萬，如果繼續管理不善即係尸位素餐，呢家嘢先至係最浪費嘅資源錯配！
歡迎光臨 公仔箱論壇 (http://5.39.217.76/)
Powered by Discuz! 7.0.0
