公仔箱論壇 - Powered by Discuz! Board

標題: [時事討論] 維港重現渡海泳　最怕官府袖手觀 [打印本頁]

作者: d82622 時間: 2011-9-18 07:42 AM 標題: 維港重現渡海泳　最怕官府袖手觀

提起香港，一定會諗到維港，呢個天然良港係香港嘅生招牌。停辦咗三十三年嘅維港渡海泳終於返嚟喇，今次總算又有集體回憶。公仔箱論壇: P+ g9 J3 N/ r9 d7 W M
將於下月中復辦嘅渡海泳，報名參加者已經超過一千四百人，創下歷來最大規模。到時咯喎，千人橫跨維港，經典重現，全球矚目，都咪話唔轟動。主辦機構雄心萬丈，唔排除日後邀請外國泳手參與，目標係令維港渡海泳成為一年一度嘅國際盛事。% F- e9 ~* U% s
有位年過七旬嘅耆英泳手，諗番四十幾年前參加渡海泳嗰陣，水質好差，油污處處，游完變咗「黑臉人」，連太太都認唔出，不勝唏噓。唉，維港變咗大坑渠，唔怪得呢項歷史悠久嘅盛事當年要腰斬咯。tvb now,tvbnow,bttvb7 r9 y) ?8 G9 e, c
維港渡海泳一九○六年開始舉辦，一九七八年因為海水污染嚴重被迫停辦。其實睇勻全世界，有過百年歷史嘅體育盛事屈指可數，就算最有名、全球最古老嘅國際馬拉松賽事「波士頓馬拉松」，都只係比維港渡海泳早幾年嘅咋，呢啲就叫歷史價值嘞。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。3 E+ r9 C" i, H: j- x5 e0 t
維港水清，香江揚名，渡海泳復辦當然係一件好事。不過咁，集體回憶來之不易，除咗要好好珍惜，愛護維港，亦應該利用復辦渡海泳嘅機會宣傳香港，吸引遊客。
大家都知，香港話就話係「旅遊之都」、「魅力都市」，但真正有本土特色、值得遊客回味嘅景點同活動少之又少。其實事在人為嘅啫，只要道德不滑坡，辦法總比困難多，本港一樣可以舉辦有吸引力嘅大型活動，問題係港府肯唔肯支持，肯唔肯做嘢。) U2 a8 k& G' q$ ?; r* v- }- f
就以一九七六年開始舉辦嘅香港國際龍舟邀請賽為例，每年除咗吸引唔少國際隊伍遠道而來參與，仲有唔少海內外遊客專程捧場添，都唔知幾受歡迎。但好多人可能唔知，原來有一年曾經因為經費短缺，港府又唔肯伸出援手，差啲搞唔成要腰斬。
另一個成功例子係有十四年歷史嘅香港國際馬拉松，每年都吸引來自全球數以萬計參賽者，包括國際級跑手，更曾經成為「全球最強之戰」其中一站。所以話，如果當局有足夠重視並提供適當協助，加上港人嘅創意同推廣經驗，維港渡海泳呢類活動，完全有機會成為國際級盛事㗎。
宣傳香港，推動旅遊，機會可一不可再，當局最緊要捉到鹿識脫角，千祈咪吊吊揈，搞到維港渡海泳變翻版「維港巨星匯」，咁就羞家咯。

歡迎光臨公仔箱論壇 (http://5.39.217.76/)