公仔箱論壇 - Powered by Discuz! Board

標題: [時事討論] 學童頻頻撲撲　官僚冷冷漠漠 [打印本頁]

作者: d82622 時間: 2011-9-2 05:10 AM 標題: 學童頻頻撲撲　官僚冷冷漠漠

開學喇！莘莘學子又要告別悠長暑假，孭起書包上學去。香港讀書壓力大，睇見學生嘅書包重甸甸，固之然我見猶憐，不過家長為子女迎接新學年，財政負擔愈嚟愈重，就更加可憐。2 n+ j0 S) q! O- p% Z* z/ J
新學年係學生嘅新開始，但亦係家長新挑戰嘅開始，事關開學前買書買校服買文具，對基層家庭嚟講，呢份開支已經係一大挑戰，開學後應付子女嘅膳食、交通同課餘活動等開支，更加係另一筆沉重嘅流水帳。
  }5 f5 V5 W& ]! p" C0 T' p
嗱，挑戰年年有，今年特別大。梗係啦，通脹猛如虎，衣食住行樣樣加價，家長唔頭痛就假。好似新移民覃太咁，三胞胎今年升讀小一，話就話政府有書簿津貼，之但係添置文具、鞋襪樣樣要錢，條數已經好襟計，加埋林林總總嘅雜費，開支保守估計要四、五千元，唔好話基層家庭，中產階層都未必吃得消啦。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。6 B  d0 e( j( y! r
5.39.217.76- ]/ ?- V1 A/ k) N, X" s  N
所以話啫，香港做父母嘅的確好頭痛，望子成龍過咗火位會變怪獸家長，放手唔管咩，又怕子女變小學雞；辛苦賺錢養家，就會犧牲咗同仔女相處嘅時間，但係搵少個崩又怕斷擔挑喎。最慘仲係呢個政府冇鬼用，對住通脹束手無策就唔使講啦，連逼書商分拆教材、稍稍減輕吓家長買教科書嘅重擔都搞唔掂，香港父母有乜辦法唔辛苦吖？

話時話，港府何止幫唔到學生家長，仲經常好做唔做添煩添亂，害慘好多家長添。呢，收緊邊境禁區紙政策咪就係如假包換嘅擾民措施咯。) {+ ?6 w+ W( N/ I+ I( D/ {0 P$ K

喺新政策下，大量升小四學生淪為「無證」學童，從此冇得再安全舒適地直接由邊境禁區乘保母車返學校上課。結果點呢？咪搞到七國咁亂囉，尋日羅湖口岸就有大批學童由家長陪伴過境，呢啲學生已經算好㗎喇，有啲冇父母帶嘅學童，被迫孤身上路，獨自過關，簡直係險象環生吖。有區議員就話嘞，近期收到至少五百位家長求助，指子女未能繼續獲發禁區紙，擔心上學途中出事，要求當局酌情處理。tvb now,tvbnow,bttvb9 E2 o9 w" u$ v% \2 i+ m1 Y" c

唉，可憐天下父母心，為子女籌備開學已經壓力夠大，依家仲要擔心埋子女嘅上學安全，唔通喺香港做父母注定要咁淒涼？
5.39.217.76+ l2 S7 r$ d2 \7 O) Y
好心港產官僚咪咁小學雞啦，一味只顧自己行政方便，完全唔理別人感受，竟然要班年紀細細嘅學童喺人多混亂嘅口岸獨自排隊過關，跟住又搭港鐵、又轉巴士，千辛萬苦先至返到學校。舟車勞頓唔在講，萬一遇上意外或者壞人，呢個責任邊個擔當得起？港府管理口岸不善，惡果要學童嚟承擔，咁又算乜嘢以民為本？功夫茶想問一句，港府到底識唔識個醜字點寫？

歡迎光臨公仔箱論壇 (http://5.39.217.76/)