公仔箱論壇 - Powered by Discuz! Board

標題: GMT-G1BiP數碼台風登陸Hi-Fi [打印本頁]

作者: nt1972 時間: 2011-9-1 10:08 AM 標題: GMT-G1BiP數碼台風登陸Hi-Fi

數碼電台快將年底啟播，很多人都躍躍欲試。出街使用可選擇iPhone/iPod DAB+接收器，但返到屋企，都係揀套坐枱Hi-Fi穩陣，Sony新推出的微型音響GMT-G1BiP就啱晒小記心水：外形典雅感覺Grand之外，仲可以聽CD駁iPhone，最吸引係搶先植入DAB+/DAB數碼廣播接收功能，定價三千幾，無痛入手。高貴Hi-Tech 近年iPod/iPhone大熱，大量iPod喇叭應運而生，Hi-Fi亦因此變得更Cyber及加入多種附加功能，但Sony新推出的Hi-Fi，外形卻反其道而行，重玩經典設計，主機用上鋁金屬面板，4顆旋鈕更添金屬味道，配合一對鋼琴面喇叭，感覺非常高貴，好有鑑賞級音響Feel，難以估計原來只屬三千多元的「平貨」。內涵方面更追上潮流，加入DAB+/DAB數碼廣播接收功能，雖然香港4個數碼電台要年底先啟播，但現時已有2個頻道試聽呢！

試播穩定清晰無論是現行FM或AM電台，由於頻譜有限，難以做到專門性的節目頻道，但數碼廣播就能做到，而且聲音質素比FM/AM更佳。由於屬試播階段，目前發射站有限，九龍區跟港島區屬首批可試聽到數碼電台的地方，如小記測試當日，在銅鑼灣商業大廈，以GMT-G1BiP接上天線聽數碼電台，質素尚算穩定，2個試播頻道都能清晰接收，想「早買早享受」係時候出手了。

大喇叭夠力水新機亦對應iPod/iPhone播放，但由於沒有Docking的關係，用家需以USB同步線將iPhone或iPod連接音響。話明係Hi-Fi，音響當然還設有CD碟盤，它沿用Classic設計貫徹經典外形，聽音樂CD亦很方便。而新機備有一對體積頗大的喇叭，內置2.5cm高音單元及13cm低音單元，配以先進幾何接地技術的擴音器，可減低失真現象和諧振，低音沉實有力，高音表現亦具水準。喇叭總輸出高達100W，「炸機」相當夠力水，即場試聽流行曲CD及數碼電台的古典音樂，表現均非常理想。

體積：220×133×355mm（主機）、160×270×252mm（喇叭）
重量：5.3kg（主機）、3.8kg（喇叭）

歡迎光臨公仔箱論壇 (http://5.39.217.76/)