公仔箱論壇 - Powered by Discuz! Board

標題: 貧病相煎官不理　東方善長建奇功 [打印本頁]

作者: d82622 時間: 2011-9-1 04:58 AM 標題: 貧病相煎官不理　東方善長建奇功

橫空出世嘅紫荊俠作為行俠仗義示範單位，反映出香港一個非常可悲嘅現象，官僚做事經常亂七八糟，惟有靠民間人士行善濟世。正如紫荊俠話齋，政府派六千蚊派到天怒人怨，不如由佢帶頭撥亂反正。
莫講話扶貧不力吖，香港嘅醫療系統有眼你睇係幾咁混帳透頂。醫生護士人手短缺都唔在講嘞，更慘情嘅係醫管局整咗一個見錢開眼嘅「藥物名冊」，害到好多病人冇錢冇得醫。好彩，香港仲有東方日報慈善基金，加上慷慨解囊嘅善長仁翁，咁先至幫到不少普羅大眾藥到病除。

呢嗱嗱嗱，功夫茶今日要為大家介紹一項喜訊，中文大學成功利用深腦刺激手術治療遲發性肌張力失調症，至今總共有三名病人重獲新生，而佢哋所需嘅醫療儀器由東方日報慈善基金撥款超過七十二萬元資助。得到治療嘅病人固然滿心歡喜多謝東方以及善長，中大教授都話，醫管局冇資助，三個病人都係靠東方籌款協助先至做到手術！
tvb now,tvbnow,bttvb3 q2 Z( u& S$ v
大家可能對於遲發性肌張力失調症比較陌生，咁啦，等功夫茶略略講解一下。精神病患者當然少不免要服用精神藥物，之但係精神藥物有機會導致全身痙攣不斷抽搐，呢家嘢就叫做遲發性肌張力失調症。一旦患上遲發性肌張力失調症就慘嘞，行動不便之餘更加有可能無法吞嚥食物。
tvb now,tvbnow,bttvb8 s# a2 \9 w. M% n& m5 k9 I1 p
有冇治療方法呢？有，不過好貴，病人必須支付二十幾萬元購買儀器。治療方法係腦部植入電極，透過內置於胸口嘅腦脈衝發生器，發出電流刺激腦部神經改善病情。完成手術後三位病人都活動自如，甚至重投社會工作。

其中一位重獲新生嘅病人黃淑芬係咁講嘅：「手術前淨係瞓喺張床度不停郁，依家冇啦，好開心！」而照顧淑芬無微不至嘅妹妹亦都話：「未做手術前我日日見到家姐咁樣，真係生不如死！」tvb now,tvbnow,bttvb, ?0 I6 O% a+ G' n1 C @) F
公仔箱論壇6 M1 c2 L' a m# E1 o
另一位同病相憐嘅係張玉明，過去七年受盡遲發性肌張力失調症折磨，今年四月得到東方日報慈善基金撥款資助，做完手術正在康復。玉明十分感恩，佢一來多謝東方，二來祝福善長身體健康！
- u# g( f3 H: P' w5 z- }+ k$ h
嗱，大家話嘞，醫管局係咪漠視病人權益吖？病人一話冇錢買儀器啫，官老爺眼尾都唔睄一睄，任得佢哋全身痙攣不斷抽搐，名副其實就係典床典蓆。如果唔係東方聯同善長見義勇為，呢一類病人都唔知要典到何年何月。
貧病相煎官不理，東方善長建奇功，功夫茶都要向各位善長仁翁再講句多謝，希望大家繼續踴躍捐輸，向有需要人士伸出援手，多謝多謝！

歡迎光臨公仔箱論壇 (http://5.39.217.76/)