公仔箱論壇 - Powered by Discuz! Board

標題: 保育民熱官冷　局長莫再敗家 [打印本頁]

作者: d82622 時間: 2011-8-30 05:06 AM 標題: 保育民熱官冷　局長莫再敗家

嗱，唔好話功夫茶冇好介紹，下月三日星期六去荃灣廣場逛逛吖，嗰度將會舉辦「離島假期推廣日」，應該幾好玩㗎，適合一家大細共享親子樂。
咁有意義嘅活動係由離島區議會發起㗎，目的係推廣長洲太平清醮同大澳龍舟遊涌兩項國家級非物質文化遺產，希望向全港市民宣揚離島傳統文化，當然最好係發揮保育精神啦。+ Z  ~2 U7 K1 k  a( i
tvb now,tvbnow,bttvb4 ^* K- p9 P1 j. W! c# }
如果大家覺得意猶未盡，咁就不妨趁即將人月兩團圓嘅中秋佳節去大坑走一趟嘞，事關大坑舞火龍都係國家級非物質文化遺產。咦咦咦，剛剛過咗嘅農曆七月盂蘭節，大家有冇去湊熱鬧呀？如果有咯喎，恭喜呀恭喜，閣下亦都為另一項國家級非物質文化遺產展現過支持力量。5.39.217.763 f! L( H3 w) X4 t

大家有冇留意功夫茶一共數咗四項國家級非物質文化遺產？冇錯嘞，的而且確係四項，香港其實擁有相當多值得保育嘅傳統文化。之但係可惜吖，民間空有古道熱腸，官僚永遠冷眼旁觀，久而久之咯喎，乜嘢遺產都敗清光啦！tvb now,tvbnow,bttvb, Z/ K8 |( \4 A' c

呢嗱嗱嗱，四項文化遺產冇錯係民政事務局局長曾德成喺○九年上報中央爭取而來，不過呢一位德成局長攞咗威就算，如何保育完全冇下文。就以盂蘭勝會為例吖，規模不斷縮小都不特止，甚至有人將傳統唱大戲改唱流行曲，做足全套盂蘭勝會儀式嘅團體寥寥可數，政府做過乜嘢工夫去保育呢？如果有，歷史悠久嘅中環士丹頓街「中區卅間街坊盂蘭會」都唔使瀕臨停辦啦！5.39.217.76% `- a& l6 I  e# U- v! M1 _4 y
  E% _' t1 l* j$ A1 B5 R: B8 _. E
假如大家今年中秋真係去大坑欣賞舞火龍，記住落足眼力睇多幾睇，畢竟街坊話呢一項傳統有機會失傳。德成局長一干人等有冇可能延續薪火相傳呢？唔係話百分百冇可能嘅，渺茫咗少少咁解囉。睇下大埔碗窰吖，當地係擁有幾百年歷史嘅製窰工場，被認定係中國境內唯一保存完整嘅窰場，早於一九八三年被列作法定古蹟，可惜三十年來毫無管理，一場黑雨唔止搞到村毀人亡，更加將大量珍貴文物沖走。tvb now,tvbnow,bttvb) a( |: c1 G( r+ R( s7 D4 Z
4 b( N% N: ~, M/ ]+ _- @) A/ m% o
不如咁講啦，德成局長呀德成局長，威你就攞咗嘞，係咪應該拒絕再做一個敗家仔呢？萬一國家級非物質文化遺產消失得無影無蹤，好難向阿爺交代喎。
5.39.217.76# s; f1 G  j$ t' R' U. H3 F. l' q
傳統文化買少見少，集體回憶拆得就拆，淨係靠民間人士熱心保育係唔夠㗎，冇官老爺積極參與一定瓜得。尤其係盂蘭勝會絕對要好好保育，你知啦，呢一項傳統文化嘅深層次意義係普度眾生，兼夾撫慰游魂野鬼，一旦失傳咯喎，猛鬼拍門騷擾局長就唔好啦！

歡迎光臨公仔箱論壇 (http://5.39.217.76/)