望穿秋水望到頸都長，派錢計劃終於實施嘞。尤其對於老人家而言確係鬆一口氣，冇必要等到百年歸老，先至有幸得到龜速政府派發六千銀。之不過咁，老人家實際上仍然要等，事關所謂派錢計劃終於實施，意思只係話開始分階段接受合資格市民登記，首批登記人士係六十五歲或以上永久居民，真正有錢落袋要到十個星期以後。換言之，公公婆婆必須夠長命捱多兩個半月先至好夢成真。 - q8 E+ b- o$ X3 Y公仔箱論壇尋日雖然係星期日，不過全港一千一百多間銀行分行以及一百二十六間郵政局，破例開門處理有關登記事宜。表面上好似相當便民，實際上呢，功夫茶不敢苟同，因為派錢安排根本就係作賤老人家。喂，如果財爺曾俊華識得敬老，直接將六千銀透過生果金戶口過數咪得囉，使鬼搞到老人家手騰腳震親身走去登記咁麻煩咩！6 J% A3 q. ]) R- }% G8 W h/ T
3 ~6 I( C) w+ T2 I4 b
呢嗱嗱嗱，作賤老人家嘅講法唔係誇張㗎。尋日喎，環保署三個路邊監測站錄得甚高空氣污染指數水平，中環、旺角以及銅鑼灣嘅污染指數分別係一百四十七、一百四十五同埋一百五十九。你知啦，但凡空氣污染情況惡劣，環保署都會發出溫馨提示，呼籲患有心臟病或者呼吸系統毛病人士、長者以及兒童減少體力消耗同戶外活動，更加要避免長時間逗留交通繁忙嘅街道。既然係咁，老人家係咪應該留喺屋企享清福？家陣唔係喎，公公婆婆為咗配合官僚到極嘅安排，迫於無奈出街去到銀行或者郵政局登記，令自己虛弱嘅身軀暴露於烏煙瘴氣，你話政府係咪靠害吖！9 ^ S' a) e" s$ Q, `
