標題:
[時事討論]
酷熱更兼空氣差 派錢作賤老人家
[打印本頁]
作者:
d82622
時間:
2011-8-29 06:19 AM
標題:
酷熱更兼空氣差 派錢作賤老人家
望穿秋水望到頸都長，派錢計劃終於實施嘞。尤其對於老人家而言確係鬆一口氣，冇必要等到百年歸老，先至有幸得到龜速政府派發六千銀。之不過咁，老人家實際上仍然要等，事關所謂派錢計劃終於實施，意思只係話開始分階段接受合資格市民登記，首批登記人士係六十五歲或以上永久居民，真正有錢落袋要到十個星期以後。換言之，公公婆婆必須夠長命捱多兩個半月先至好夢成真。
6 x$ @) B- }0 i8 U, Y5 B: b# A( C
尋日雖然係星期日，不過全港一千一百多間銀行分行以及一百二十六間郵政局，破例開門處理有關登記事宜。表面上好似相當便民，實際上呢，功夫茶不敢苟同，因為派錢安排根本就係作賤老人家。喂，如果財爺曾俊華識得敬老，直接將六千銀透過生果金戶口過數咪得囉，使鬼搞到老人家手騰腳震親身走去登記咁麻煩咩！
% g. F- r4 ]: ^: B! v- BTVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。
9 h# |9 m% _) i/ L7 u. s
呢嗱嗱嗱，作賤老人家嘅講法唔係誇張㗎。尋日喎，環保署三個路邊監測站錄得甚高空氣污染指數水平，中環、旺角以及銅鑼灣嘅污染指數分別係一百四十七、一百四十五同埋一百五十九。你知啦，但凡空氣污染情況惡劣，環保署都會發出溫馨提示，呼籲患有心臟病或者呼吸系統毛病人士、長者以及兒童減少體力消耗同戶外活動，更加要避免長時間逗留交通繁忙嘅街道。既然係咁，老人家係咪應該留喺屋企享清福？家陣唔係喎，公公婆婆為咗配合官僚到極嘅安排，迫於無奈出街去到銀行或者郵政局登記，令自己虛弱嘅身軀暴露於烏煙瘴氣，你話政府係咪靠害吖！
, e% e, ?) P) ^, k# i8 y
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。! |; w: o3 k( Z5 R0 [- L
另外咯喎，大家都明白香港嘅夏天係幾咁驕陽似火㗎啦，酷熱天氣警告基本上無日無之，曬得兩曬隨時中暑。天時暑熱之下，公公婆婆又係迫於無奈出街去到銀行或者郵政局登記，簡直陷長者於險境啦！
; ~$ S5 Z9 C# l$ S3 a9 O4 u
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。 @' m: i, m2 F2 g' q& X3 i T- {
冇錯，財經事務及庫務局發言人係咁講嘅，市民毋須親身前往索取或遞交登記表格，長者可透過信得過嘅親友或郵寄等等方式遞表。問題係好多老人家無親無故，信得過嘅親友未必搵得到，信唔過嘅騙徒可能一大堆，咪又係險象環生囉！
5.39.217.76 n! }* \# V- j% e, [
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。7 J' }% [; @7 ~, c, `# w
旺角區居民協會做過一項調查，四成受訪者不滿派錢安排，另外六成市民批評登記之後要等十個星期先至過數，時間實在太長。尋日仲有一單插曲，七十四歲老翁喺旺角滙豐銀行登記之後，途經塘尾道，不幸遇到貨車失控翻側，輾轉碰撞之下受傷，好彩傷勢唔算嚴重咋。
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。$ Z! R8 b9 V% R; h
, Z- ~. {/ Y& i& _: g. i
派錢都派到怨聲載道，曾俊華小心嘞，公公婆婆下次打小人嘅對象好可能係閣下！
歡迎光臨 公仔箱論壇 (http://5.39.217.76/)
Powered by Discuz! 7.0.0
