公仔箱論壇 - Powered by Discuz! Board

標題: 30-9-07波馬料---[危險] [打印本頁]

作者: ooappleoosm 時間: 2007-9-30 07:41 PM 標題: 30-9-07波馬料---[危險]

馬仔方面,低班馬以狀態為先,鬥爬過終點,而高班讓磅賽應該講卡士,輕磅,同當銳馬.
今晚收到徐雨石隻[幸運勝]同[龍門客棧]有啲[風],不過自己只賭1隻位置馬,呢兩隻吾係小弟心中杯茶.

徐君禮終於還心願,可以過底幫告仔手,而告仔亦彈左兩隻機會馬比佢,就係[威利來]同[開心],又睇吓徐君禮掂吾掂!

第九埸咁平均,有難度,我吾賭,但[零用錢]近兩仗嘅表現,大家有眼睇,其他馬房各位可以吾信,但[蔡約翰],尤其係今季嘅[蔡約翰],各位絕對可以信賴,至少如果隻馬係[有料],[蔡約翰]係可以保持隻馬吾[斷],吾會由龍變蟲,演出穩定嘅馬,先值得投注.

第十埸,[齊齊開心],大摩一早預定比[白德民]跑,但隻馬好似未十足咁,呢埸[蘇保羅]有隻[一切順利],各位吾好睇輕佢呀,季初[危險]叫大家吾買[蘇保羅]馬房啲馬住,但從隻[一切順利],各位就要留意番[蘇保羅]呀,下個賽事日開始,呢個馬房應該嚟料.

第八埸,[蓮華生輝]係當然熱門,我上季仲以為隻馬會轉倉,點知[姚本雞]用招金蟬脫殼,比佢攪掂左,白狗[列高力]當災,呢個馬房由[推油]事件,[靚蝦]事件,至[牛精]事件,所有冮湖傳聞,[危險]一清二楚,講馬圈最重義氣者,首推怒漢[黃汝安],呢位係義氣仔女,佢同[呂健威],係馬圈少有嘅單純線路.
輸一隻[招牌馬],有時吾好將所有野推响一個缺乏支持嘅騎師身上,贏果時又話同隻明星馬夾晒八字,輸過時又話吾關自己事,其實心水清嘅馬迷,响[蓮華生輝]輸之前嘅操練同晨課,同隻馬贏開果時作比較,先至夠中肯,有時輸馬,吾通練者冇責任?不過[列高力]口細,係弱勢群,仲有乜好講丫?講講吓,又變左講[故],又講番呢埸,[蓮華生輝]响呢機真係老虎,現實係絕對贏面大,但自己非常黑心,希望[蓮華生輝]三甲不入,想睇吓練馬又用乜野招數解畫!
呢埸自己全日只賭1隻馬做[位置]重心,就係[寶樹友盈],獨贏9倍幾,位置由20文起步,賠率就係動力,加上有狀態啱線路,[文家良]對呢隻團體馬特別有心機,鬥志單一,我全日賭隻位置就係[寶樹友盈].
而呢埸隻流過鼻血嘅[燦惑],雖然有卡士,但始終馬入暮年,又吾知佢退到有幾多,所以吾要,[大富之星]輕磅有進步,呢埸可以做腳,有盃捧,就一定要預埋[大摩],[白德民]隻[新力升]一定要拖埋.

歸納第八埸,各位可以用[寶樹友盈]做膽,拖[大富之星],[新力升],第四選先要[蓮華生輝],我望佢死.

因為時間緊迫,可能會有錯字,但小弟吾會改,睇吾明都無辦法.

作者: simon03023609 時間: 2007-9-30 10:36 PM

支持ooappleoosm 大哥，你的貼士好准。

歡迎光臨公仔箱論壇 (http://5.39.217.76/)