公仔箱論壇 - Powered by Discuz! Board

標題: 壹淫媒侵權罪成　淫賤黎天理不容 [打印本頁]

作者: aa00 時間: 2011-8-5 02:28 PM 標題: 壹淫媒侵權罪成　淫賤黎天理不容

; g, t# a0 ], _ \$ k$ t4 j i
壹淫媒侵權罪成　淫賤黎天理不容4 D& Y2 q9 c3 M6 O! {
2011-8-5$ O: N# { e7 c8 n

( E$ r' t: K. f- s( x: J
呢個世界終於有番少少天理，淫賤黎旗下壹淫媒本性難移，不斷侵犯東方報業集團版權，今次上得山多終遇虎，成為第一個因為侵權而被海關提出刑事起訴並罪成嘅傳媒機構。

壹淫媒旗下嘅「壹傳媒互動有限公司」屢次抄襲東方報業集團旗艦網站新聞，被票控三十三項侵犯版權罪。被告承認八項罪名，控方將其餘二十五項撤銷起訴。法庭判決八項控罪每項罰款五千元，總共罰款四萬元，並且留案底。熟悉版權法嘅律師江炳滔就話嘞，海關首次票控侵犯版權嘅新聞媒體，標誌執行版權法上新里程，亦係被侵權機構一直堅持、努力不懈提供海關所需證供嘅成果。公仔箱論壇( ]% A# p1 I+ g
呢嗱嗱嗱，講到一直堅持、努力不懈，東方報業集團不知出過幾多人力物力先至有今日嘅成果，等功夫茶同大家分享其中一次痛苦經驗。○五年有一單全家食咗毒帶子不適送院嘅新聞，其中一張刊登於《東方日報》頭版嘅獨家照片，竟然被《蘋果日報》、《星島日報》、《成報》、《東周刊》等多間傳媒機構盜用。東方即刻採取法律行動，同時又向警方、海關同埋廉署舉報。等待執法部門捉賊期間，東方自費超過百萬元律師費，向涉案人等提出民事索償。由於鐵證如山，包括《蘋果日報》在內嘅有關傳媒不得不乖乖賠錢求和，涉案記者高潤添亦被法庭判處敗訴。點不知，雖然民事法庭判咗東方勝訴，但係執法部門居然冇行動，你話係咪激死？
所以話啫，公義得來不易，制裁淫賤黎同壹淫媒真係少啲心血都唔得。當然啦，今次都未算百分百彰顯公義，首先壹淫媒再次發揮無賴性格，將侵權責任推卸畀兩個記者，管理層狡辯話毫不知情。其次咯喎，正如城市大學專業進修學院學術統籌宋立功話齋，三十三項控罪只起訴八項，檢控毫無準則，令人覺得「唔理解、唔公平、唔明白」。
唉，講到尾都係淫賤黎敗壞傳媒風氣，呢一個慣犯何止偷新聞，作新聞都當食生菜啦。好似嗰一單喪盡天良嘅陳健康事件，自編自導送錢畀一個剛剛死咗老婆同兩個仔嘅男人北上尋歡拍照，就算冷血動物都做唔出啦！
本來呢，香港傳媒生態非常健康，從來唔會有呢一類墮落行為，之但係自從淫賤黎踩隻腳入嚟，乜鬼都變得烏煙瘴氣。擅闖女明星酒店房間又有，亂摷人哋垃圾桶又有，偷拍女藝人換衫又有，連賣弄未成年少女濕身照都有，壹淫媒嘅卑劣手法簡直無所不用其極。呢頭攪亂香港，嗰頭又去破壞台灣，寶島家陣都變得亂七八糟。
好心執法部門唔好餐餐都縱容包庇啦，作惡多端嘅淫賤黎天理不容㗎！/ x/ w1 N8 p3 G" p8 r+ {
5.39.217.76- i' W) Q0 k. A

來源 / 版權所有：以上所述媒体 / 作者
(以上内容摘自或摘译自其它媒体 / 作者，不代表發帖者观点)

歡迎光臨公仔箱論壇 (http://5.39.217.76/)