公仔箱論壇 - Powered by Discuz! Board

標題: 疏導外傭如虛設　形式主義真低能 [打印本頁]

作者: aa00 時間: 2011-6-3 11:30 AM 標題: 疏導外傭如虛設　形式主義真低能

2011-06-03 % f' r$ N* o/ n" X1 l
【東方日報專訊】益智問答遊戲，星期日最多菲律賓人嘅地方係邊度？如果你未聽過呢條題目，你大概要檢討一下自己是否三步不出閨門嘅宅男或者宅女。答案唔係中環，而係菲律賓。
呢條題目嘅答案之所以有咁多人認為係中環，無他嘅，星期日嘅中環確係會聚集極多外傭吖嘛，其中又以菲律賓傭工佔最大比率。每逢假期中環都變成小菲國，原因係菲傭要放假休息，又唔想使錢浪費家用，皇后像廣場同埋遮打花園一帶自然係免費娛樂嘅首選。公仔箱論壇; E* ^: W& k. z9 o% S
之不過咁，但凡人群過度集中嘅地方都衍生不少問題，最低限度阻礙行人吖嘛。所以咯喎，實在有必要諗諗計仔疏導外傭。本港外傭人數已經突破二十九萬，足以坐滿七個香港大球場。既然係咁，功夫茶又再同大家玩一玩益智問答遊戲，到底政府有冇諗到計仔疏導外傭呢？答案非常之咁詭異，計仔的確係有，不過有等於冇。5.39.217.76; x# @+ |( o4 M" s
九四年九月，民政事務總署推行海外家庭傭工中心計劃，每逢星期日將六間中學闢作外傭中心，而前身係鐘聲慈善社學校嘅堅尼地城海外家庭傭工中心甚至係每日開放。加加埋埋有七個地方聚腳，即係疏導外傭有計啦。5.39.217.76# j' A# e( ?( G0 D" T; _; w
呢嗱嗱嗱，咪開心住，事關本地官僚最鍾意搞形式主義，表面上係惠澤社群，實際上係形同虛設。首先，政府嘅宣傳近乎零，十七年以來外傭知之甚少。其次，地點相當偏遠，外傭即使知道都未必肯山長水遠走去幫襯。再者，呢家嘢荒謬咯，部分被闢作周日外傭中心嘅學校，根本唔知道自己榜上有名，每逢星期日落閘上鎖！7 i$ f& s& [% @& z; S
好似民政事務總署網頁列出嘅九龍塘「賽馬會官立工業中學」咁吖，校方對於呢一個計劃一頭霧水，質疑署方資料有誤。更加搞笑嘅係，人哋原來十年前已經改名叫做賽馬會官立中學，唔係乜鬼嘢官立工業中學。事隔十年連學校名稱都冇跟進，由此足以證明，本地官僚十年一覺怠忽夢，瞓到家陣都未醒！tvb now,tvbnow,bttvb! D# E6 s6 w# `; S( h3 _, S
記者走去查詢啦，民政事務總署發言人講得又係滑稽到極，佢話喎，計劃仍然實行，不過唔會增設開放中心，理由係使用率尚未飽和。救——命——呀！成個計劃搞到唔湯唔水，使用率梗係冇可能飽和啦，真低能！
計功夫茶話齋，菲傭如果都覺得聚集皇后像廣場同埋遮打花園一帶係太擠迫又太沉悶，不如咁嘞，一於稍移玉步走去禮賓府，只要菲傭大軍搞到禮賓府主人煩到嘔電，疏導外傭嘅問題一定可以迎刃而解！

歡迎光臨公仔箱論壇 (http://5.39.217.76/)