公仔箱論壇 - Powered by Discuz! Board

標題: 同胞移情阿里山　遲早冷落銅鑼灣 [打印本頁]

作者: aa00 時間: 2011-5-8 02:03 PM 標題: 同胞移情阿里山　遲早冷落銅鑼灣

【東方日報專訊】銅鑼灣係內地同胞訪港必到嘅購物「聖地」，尤其係個人遊旅客，無論潮手機、新款電腦定黃金首飾，鍾意就買，見乜掃乜，商戶豬籠入水賺到笑。不過，呢班米飯班主隨時會移情別戀，咁嘅墟冚場面只會喺台北西門町再現。

內地據講最快會喺下月底至七月初實施赴台個人遊，尋日北京高層同台灣政壇重量級人士亦承諾，爭取盡快落實。睇嚟呢單嘢冇十足都有九成九。已經四面楚歌嘅香港旅遊業，睇怕前景凍過水。公仔箱論壇1 O* O7 ]* g6 c) f: R# X
本港○三年獲中央打救推出個人遊，八年來經濟上得益唔少。統計顯示，本港近七成旅客來自內地，每年達到二千二百萬人次，仲保持有兩成增長，而個人遊比例更直線上升。如果內地個人遊成功「登陸」寶島，本港首當其衝，客源一定被分薄。5.39.217.76+ l1 o5 q( Q- {2 G: L A
3 s, H5 ?3 o0 Q( p; m
危機殺到，警鐘響起，但有關部門仲盲目樂觀，旅遊發展局高層回應話，香港同台灣旅遊產品唔同，依家評估開放赴台個人遊嘅影響言之過早，仲話相信台灣「未有耐追上」。

講開旅遊產品，功夫茶直頭扯晒火。台灣推廣旅遊產品手法推陳出新，為吸引內地客源不斷開發新景點；香港旅遊設施乏善可陳，景點屈指可數，如果真有唔同，一成不變睇怕就係本港旅遊產品最大特點嘞。公仔箱論壇8 P7 x6 P* k6 g: _5 A3 A
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。: W) |0 l2 x* C
有本港學者發現，目前開放赴港個人遊省市中，有八成旅客曾經來過香港，而台灣對內地旅客有更多「新鮮感」。學者警告港府，要盡快解決低接待團費問題同加速旅遊推廣轉型。立法會議員王國興亦指出，內地旅客第日多咗選擇，一定唔會揀香港。佢更狂炳港府旅遊政策不思進取，大安旨意「食老本」。
" Q9 v9 w' r4 ]- e/ t
冇錯嘞，就算係鮑參翅肚，餐餐食都厭啦，更何況本港得Ｎ年不變嘅幾個景點。再講，內地人普遍有台灣情意結，發夢都掛住阿里山、日月潭，加上同聲同氣，香港點夠揮呀？

仲有吖，由於港府監管不力，本港旅遊業近年「劏客」醜聞不斷，個朵喺內地已經臭晒，畀着係你，個人遊都會揀台灣喇，講玩講食，去台北士林夜市遍嘗風味小食，總好過嚟香港做水魚畀人掠啩？
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。/ K' n" A1 N2 M! ?" S. y8 e
逆水行舟，不進則退。中國社會科學院啱啱發布中國城市競爭力藍皮書，香港雖然連續第六年綜合競爭力排第一，但經濟效率方面不如台北，產業層次方面不敵北京，基礎設施方面輸畀上海、廣州，瓣瓣唔掂，旅遊業又點同人哋爭吖？

家陣競爭愈來愈激烈，上海起迪士尼樂園同香港硬撼，海南發展國際旅遊休閒島，擺明同香港爭生意，但港府仲烏吓烏吓，淨係識話無懼競爭。開發新景點不力，連掃除黑店，整頓業界劏客歪風亦唔踢唔郁，計功夫茶話齋，呢場仗未打已經輸硬！

作者: aa00 時間: 2011-5-8 02:48 PM

香港旅發局總幹事劉鎮漢對此評論TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。" z2 O6 G- ^; C
tvb now,tvbnow,bttvb! D- [- A3 w: K

台港各有特色不怕被搶客
2 Z# `/ i+ q/ U! h3 _
　　對於台灣也可成為陸客自由行前往旅遊地點，香港旅發局總幹事劉鎮漢表示，不擔心香港被“搶客”。他說香港與台灣各有特色，台灣旅遊主打小吃與夜市吸引旅客，香港遊則以“花錢”購物消費與美食，旅客在兩地各有不同的旅遊感受。

　　劉鎮漢認為，陸客自由行遊台灣，反而為香港提供機遇，“可以考慮推‘一程多站’，吸引內地客經香港去台灣，或者遊完台灣後，回程時在香港停留旅遊，對香港也有益處。”他說去年內地訪港旅客高逾二千二百六十萬人次，按年增長超過兩成六，相比較下，內地赴台旅客現時每年大約有二百萬人次，他認為開放自由行對香港影響甚少。

歡迎光臨公仔箱論壇 (http://5.39.217.76/)