公仔箱論壇 - Powered by Discuz! Board

標題: [時事討論] 規管十招如虛設旅業宰客未手軟 [打印本頁]

作者: mr2907 時間: 2011-5-5 02:47 PM 標題: 規管十招如虛設旅業宰客未手軟

本帖最後由 mr2907 於 2011-5-5 02:51 PM 編輯 tvb now,tvbnow,bttvb% \! t% u: ?  y1 e

惡導遊再現江湖？內地旅客又被「刀手」宰割？乜當局唔係揚言要加強監管咩？tvb now,tvbnow,bttvb0 ]2 d5 T' C3 e  d: ~

鬼咩！上年鬧出惡導遊辱罵旅客事件之後，旅遊業議會係威係勢推出規管十招，原來形同虛設，根本係無牙老虎。一個惡導遊倒下，千千百百個惡導遊站起來，你吹得佢哋脹咩！

旅議會規管十招點樣有名無實，如何虛有其表呢？嗱，本報記者五一長假期間直擊一個雲南六日五夜港澳團，大家睇吓「刀手」點樣宰客，就一清二楚喇。

旅行團抵港首天，行程全屬景點遊，團友好似被趕鴨仔咁，去完黃大仙祠，去金紫荊廣場，再去淺水灣等地，所有景點一日遊晒，猶如蜻蜓點水，食飯只得廿分鐘，同走難無乜分別。本來呢，做鴨仔都好過做羊牯，唔使被迫購物，辛苦啲都無計啦。哈，咁諗就太傻太天真嘞，原來刀手導遊未現身咋。

旅行團真身女導遊先至係刀手，首日行程聲稱「因事請假」，第二天至現身，戲肉嚟嘞，由朝早八點半開始，帶團友到珠寶店同手錶店購物，每次困於密室長達兩小時，肚餓都唔准離開。旅客肚皮受罪都算嘞，最慘係只要買嘢唔夠爽手，即遭女導遊惡言相向，簡直係精神虐待。
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。4 b6 W' T( |2 R8 o3 e
阿珍就話咒罵旅客下世要還債啫，而今次呢位刀手仲惡毒，連團友嘅仔女都唔放過：「你兒子做民工嗎？你女兒做妓女嗎？都沒有錢給你買東西嗎？」言詞尖酸刻薄極盡侮辱，豈有此理！可惜今次旅客無影低惡導遊嘅真面目，否則佢必定又係紅遍大江南北。

好嘞，旅行團最後轉往澳門，但荒謬情況陸續有來，現身接待嘅竟然係第三名導遊。一團三導遊，明顯違規喇，而最初向旅客派發嘅行程表，更加無按規定列出導遊聯絡電話等詳細資料。: u4 s2 k- H- F' W9 s8 G
tvb now,tvbnow,bttvb1 ^; A2 R! V  j: }
喂，旅議會十招中，唔係規定一團一導遊嘅咩？係就係，弊在旅議會根本係無牙老虎，所謂十招，純屬紙上談兵。唉，旅遊變受難，有團友直言感到驚恐，揚言唔敢再踏足香港。5.39.217.768 @7 S$ G1 T8 W* `" v

事實擺在眼前，旅業痼疾未除，旅議會自己人管自己人嘅規管模式已經徹底失敗，最荒謬係港府日前推出四個改革方案進行諮詢，隨時仲要等幾年先至有機會實施，到時香港旅遊業呢塊招牌睇怕都被人拆咗咯。講到尾，解鈴還須繫鈴人，要改革旅遊業，杜絕宰客現象，港府必須孭番監管責任，如果唔係，莫講十招，就算推夠一百招一千招，都係嘥氣！

歡迎光臨公仔箱論壇 (http://5.39.217.76/)