公仔箱論壇 - Powered by Discuz! Board

標題: 城市規劃好重要　官僚缺席太失職 [打印本頁]

作者: aa00 時間: 2011-4-26 11:38 AM 標題: 城市規劃好重要　官僚缺席太失職

【東方日報專訊】城市規劃愈來愈重要，事關土地運用關乎民生福祉，香港唔可以再學似舊時咁胡亂規劃。好似填海咁吖，以前就話大填特填冇人理啫，家陣填海變咗罪大惡極。0 P) Y1 F0 h8 I& r1 F7 k2 n% F
記唔記得西貢大浪西灣事件呀？又記唔記得元朗南生圍事件呀？兩件事都係民眾參與喝停地盤工程破壞自然生態，證明港人同胞真係愈來愈重視城市規劃。公仔箱論壇4 ]2 g& o: Y0 T3 J. Q) I
既然係咁，肩負神聖任務嘅城市規劃委員會係咪應該更加打醒十二分精神呢？七百萬人、一千四百萬隻眼睇住你台戲o架，萬一你傻下傻下批准維港臨海地皮興建三百層高屏風樓，咁就該煨嘞。2 \" g2 V( Y+ a" b! Q$ M
吖，好衰唔衰原來城規會個別委員真係傻下傻下，開會嘅出席率偏低。本報記者調查發現，三十六名去年四月上任嘅城規會委員之中，有四名委員缺席過半數會議，其中一名新任委員只係現身過三次咁大把。至於官方委員民政事務總署署長陳甘美華，即使有五個副署長及助理署長可以代替開會，居然都缺席近半數會議，出席率明顯低於其他官方委員。
喂，堂堂署長冇理由輕視城市規劃吖嘛，功夫茶打死都唔信一個真身加五個替身會同一時間冇辦法蒲頭走去開會。相關官僚咁嘅慵懶行為簡直係怠忽職守，浪費納稅人供養嘅米飯。
民政事務總署發言人冇解釋到點解六名官員都無法出席近半會議，只係話部門代表因其他公務未能出席，佢哋會將書面意見交城規會秘書處，該署透過各區民政事務處就各項規劃申請提供意見及評估，不會影響城規會審批。
交咗書面意見就可以做縮頭烏龜？兒戲唔兒戲啲呀！何況仲有立法會議員陳淑莊踢爆，民政事務總署嘅所謂書面意見好多係「無意見」，冇按職能反映地區人士意見。tvb now,tvbnow,bttvb; u& x$ C% l) [, T* e5 l; X5 t
講到呢度，功夫茶開始有少少擔心，官僚懶得開會可以好大鑊o架，容乜易無人駕駛之下搞出個大頭佛。你知啦，香港嘅土地運用有時確係荒誕到無倫，經典例子莫過於環境局局長邱騰華(

相關)密謀侵佔郊野公園變做垃圾堆填區。若然一個唔覺意城規會又發雞瘟批准古靈精怪嘅土地運用，後果可能唔係大浪西灣同南生圍興建豪宅咁簡單。6 g4 Q3 i5 z3 M
唔該陳甘美華一干人等醒醒定定，偷懶係可以嘅，不過唔係開會時間，偷懶嘅正確時間係三更半夜同周公談心。tvb now,tvbnow,bttvb1 Q& w, J- ^$ @" E! u4 o
總而言之，城市規劃好重要，官僚缺席太失職，如果唔改善慵懶表現，愈來愈重視城市規劃嘅熱血市民隨時一腳將大懶蟲踢落堆填區！

歡迎光臨公仔箱論壇 (http://5.39.217.76/)