公仔箱論壇 - Powered by Discuz! Board

標題: 危樓清拆無期　特事特辦吹水 [打印本頁]

作者: aa00 時間: 2011-4-23 11:48 AM 標題: 危樓清拆無期　特事特辦吹水

「冧樓呀，走呀！」舊年土瓜灣馬頭圍道發生冧樓死人慘劇，出事前十五分鐘，最先察覺大禍將至嘅裝修工人就係一邊跑出危樓，一邊大叫。當時樓宇望上去安然無事，無人相信會冧樓，點知好快「轟」一聲整棟樓崩塌粉碎，十秒鐘變成廢墟，釀成四死兩傷。tvb now,tvbnow,bttvb! i# H/ R5 g0 _. v

慘劇不堪回首，本來唔想舊事重提，之但係，時至今日，港府官僚作風依然未改，好多市民依然生活喺冧樓危機之下，咁就唔可以當睇唔到，任由官僚繼續害人。
事情係咁嘅，土瓜灣塌樓慘劇發生後，港府大鑼大鼓高呼「特事特辦」、「以公眾安全為先」，將附近唐樓列入收購重建計劃範圍。點知一年轉眼過去，收購計劃因捲入訴訟而落實無期，當局就可以慢慢拖啫，但早已千瘡百孔嘅唐樓又點可以等㗎。呢，近日冧樓危機再現，不同座數樓宇相繼有大塊石屎從天而降，天花鋼筋盡露，牆身又驚現多處裂痕，真係睇到人膽戰心驚。+ S- Z7 F' t2 T+ z9 S: u
舊樓石屎剝落，隨時危及路人安全，而住戶居於危牆之下，更加係提心吊膽，有店主坦言好驚冧樓慘劇隨時重演。話時話，慘劇在前，危樓失修，政府部門睇唔到嘅咩？其實，佢哋唔係睇唔到，而係詐傻扮懵，就算接獲居民投訴，一樣闊佬懶理，乜嘢特事特辦吖、以公眾安全為先吖，根本係吹水唔抹嘴。
塌樓危機四伏，你估班官僚幾老定呀。屋宇署回覆居民，視察完證實有樓梯石屎鬆脫，已即時清除，漏水情況亦已轉介水務署跟進，強調「樓宇無任何迫切結構危險」，不會採取任何行動喎。而市建局嘅卸膊神功更加練到爐火純青，直頭話部分業主未出售物業，當局無權介入，指維修樓宇係業主責任，一句講晒：唔關佢哋事。
人哋話「好了傷疤忘了痛」，港府仲厲害，傷疤未好已經忘了痛。災難發生時，就十萬火急，事情一過，就關人個關。正如專家所言，滲漏持續，大量石屎剝落，反映樓宇結構已經受損，租客隨時有危險，如果換轉呢種危機徵兆發生喺政府總部，屋宇署仲會唔會咁氣定神閒吖嗱！鬼咩，日日擔驚受怕嘅唔係佢哋吖嘛。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。: O5 h1 g( f- h: c# _) c5 D
唉，唔知港府係真無能定假無知，話就話保養樓宇係業主責任啫，問題係業主都識「特事特辦」，間樓都即將被收購咯，仲點會揼錢維修吖？基於公眾安全，港府其實可以主動維修危樓，事後再向業主追討費用嘅啫，咁都唔肯做，證明佢哋懶咯。喂，依家講緊公眾安全，人命關天喎，唔通要重演悲劇先至知驚！

作者: aa00 時間: 2011-4-23 11:52 AM

馬頭圍道危樓隨時再冧  -  區議員炮轟當局毫無危機意識，「特事特辦」只淪為口號，完全罔顧市民安危。 ! y) x  }! T" L! m; H

' `2 J( u, h$ \% Z# B. t1 ^- R
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。$ Z8 K4 W  O. o  k  w; Z
土瓜灣馬頭圍道塌樓慘劇發生至今已逾一年，政府高呼「特事特辦」、以公眾安全為先處理善後問題的聲音言猶在耳，可惜已經列入收購範圍的重建計劃卻遲遲未能落實，早已千瘡百孔的唐樓近日接連有大量石屎剝落，屋宇署卻未有勒令業主維修。一直跟進事件的區議員炮轟當局毫無危機意識，「特事特辦」只淪為口號，完全罔顧市民安危。公仔箱論壇( Z/ p' {1 T1 R% V6 B: b' `2 X
5.39.217.760 c' J, {7 h- S7 i+ D
朱先生約兩年前租下馬頭圍道43號一地舖經營食肆，與倒塌的45J屬同一排唐樓。自塌樓意外後，同排樓宇結構問題陸續浮現。今年年初，不同座數樓宇相繼有大塊石屎「從天而降」，結構安全再響警號，「嗰頭鶴園街冧完（石屎），隔幾日就到我呢座條樓梯冧！真係好驚隨時再冧樓！」

石屎剝落橫樑浸爛除樓梯石屎剝落、鋼筋盡露外，朱先生店內的天花亦持續滲漏，牆身與橫樑已被「浸爛」，附近店舖更驚見外牆剝落。: b% F" C/ n6 e' \7 T2 a
' G( ^0 r( |* n. h/ v
「市建局話咗嚟收購，業主依家仲邊會揼錢出嚟維修？但係咁耐政府又唔郁，我哋可以點？係咪又要有人死先安樂？」朱坦言塌樓後營業額暴跌近四成，惟經濟損失仍屬其次，最擔心隨時再「搞出人命」，不滿屋宇署與市區重建局罔顧市民安全。公仔箱論壇  @; J: X, f6 q3 P
屋宇署發言人承認，今年二月接獲居民投訴後曾派員視察，發現有關樓宇閣樓及2字樓樓梯底部有石屎鬆脫，已即時清除，但樓宇沒有任何迫切結構危險。接獲本報轉介後再度派員視察，發現朱先生的地舖有漏水情況，已轉介予水務署跟進，但仍然強調樓宇並沒有任何迫切結構危險。發言人又稱，去年六月已向部分業主發出維修命令，惟業主在限期過後仍未展開維修工程，當局會安排承建商進行必要的維修工程。公仔箱論壇& R. I0 [. q, [. F
市區重建局發言人則表示，由於部分業主尚未出售業權，當局不具法律地位介入，有關業主有責任保養樓宇，確保公眾安全。公仔箱論壇7 u* l) P* Q+ b! ^" E& {$ B/ f

[url=/cnt/news/20110423/photo/0423-00196-001b3.jpg]

簷篷天花剝落後，鋼筋盡露，隨時危及途人安全。

[/url]tvb now,tvbnow,bttvb0 ?; @1 Z) H4 l* |' O$ S

tvb now,tvbnow,bttvb2 W7 `3 m; |- Z, A# z1 q3 c% ~% `* x
官僚講一套做一套「當初講到幾咁危急，依家乜都唔理，官僚作風出番晒嚟！」一直關注重建問題的九龍城區議員任國棟炮轟當局「講一套做一套」，當初聲言「特事特辦」由市建局收樓重建，現在卻以業權為由拒絕協助維修，明顯未有吸取塌樓教訓，有罔顧市民安全之嫌，促當局加緊監察樓宇結構狀況，並加快落實重建計劃，防止悲劇重演。

# B) Z1 I) ^- q+ n% F$ i, e
1# & 2# 稿件來源：《東方日報》

歡迎光臨公仔箱論壇 (http://5.39.217.76/)