公仔箱論壇 - Powered by Discuz! Board

標題: 白田邨驚現沉降　房屋署文過飾非 [打印本頁]

作者: aa00 時間: 2011-4-22 01:29 PM 標題: 白田邨驚現沉降　房屋署文過飾非

弊弊弊！莫非死人又冧樓？土瓜灣馬頭圍道唐樓倒塌事件記憶猶新，你唔係話咁快又整一劑杰撻撻吓話！
7 Z# V" V5 ~4 a1 v2 ?, a; |/ g
件事係咁嘅，入伙十一年嘅深水埗白田邨驚現不尋常沉降，昌田樓比起隔籬嘅盛田樓下沉多達兩吋，兩幢大廈外牆嘅平水標誌明顯高低不一，接口位鋼片更加變形。昌田樓地下主力牆懷疑受壓暴現五、六條由地下伸延而上嘅裂痕，食水管、污水管以及煤氣管長期受壓隨時爆裂。專業驗樓工程負責人現場勘測之後發現，昌田樓沉降同裂紋至少有十大問題，而且係「比想像中嚴重」。
喂，和諧式設計樓高四十層嘅白田邨昌田樓同盛田樓住咗七千人，大吉利是講句，萬一冧樓真係死得人多，咁點算呀？邨民提出一個合情合理嘅要求，麻煩大業主房屋署火速徹查，及早搶修以免危機加劇影響居民生活。
你估房屋署有乜嘢回應吖嗱？佢哋係就係證實樓宇沉降，不過強調係「正常現象」，仲向居民大派定心丸，保證兩座樓宇結構安全，呼籲居民絕對不用擔心。署方發言人反咬一口話喎，有關報道標題過分煽情，引致居民不必要恐慌。5.39.217.766 Y7 f+ _% L# y% q1 s
報道標題過分煽情？咪玩啦，正常地球人見到一幢大廈居然無端端沉降，梗係會擔心㗎啦，唔擔心嗰個一係做官嘅，一係戇居嘅。做官嘅之所以唔擔心，因為佢哋唔係住喺白田邨吖嘛。
不如睇番土瓜灣馬頭圍道唐樓倒塌事件，事前有冇官僚發出過警告話會有危險呢？答案係冇嘅。再睇睇一連串冧樹殺人事件，事前又有冇官僚發出過警告話會有危險呢？答案亦係冇嘅。好嘞，家陣傳媒指出白田邨驚現不尋常沉降，房屋署話有關報道標題過分煽情，你估小市民會點諗呢？梗係官老爺再一次文過飾非啦。
講真，你話沉降係正常現象，理據係乜呢？房屋署冇清楚交代喎。你試下禮賓府失驚無神下沉兩吋吖，曾蔭權唔嚇到裙拉褲甩就有鬼咯。你又試下同佢講，禮賓府沉降係正常現象吖，佢嘅正常反應一定係搉爆你個頭！tvb now,tvbnow,bttvb* D% y# ]  S, m
喂喂喂，就算兩座樓宇結構安全，紙皮石剝落又點計呀？你知啦，高空墮物隨時攞命㗎，係咪要居民出出入入都行騎樓底戴鋼盔？警告紙皮石剝落算唔算煽情呀？好心相關官僚唔好慢條斯理當冇事發生，起碼都要好好維修以免禍從天降。5.39.217.766 g5 _, S9 s3 N% x  R
點都好啦，功夫茶鄭而重之警告房屋署，文過飾非都仲係次要，如果白田邨有乜冬瓜豆腐，害死人嘅官僚一百個人頭都唔夠落地！
公仔箱論壇( N) I6 G  \. w
稿件來源：《東方日報》

歡迎光臨公仔箱論壇 (http://5.39.217.76/)