公仔箱論壇 - Powered by Discuz! Board

標題: 衫褲隨街晾管治半天吊 [打印本頁]

作者: aa00 時間: 2011-4-19 12:16 PM 標題: 衫褲隨街晾管治半天吊

如果有人喪盡天良壞事做盡，通常會被形容為「衣冠禽獸」。例如利比亞狂人卡達菲，被指派春藥畀變態士兵輪姦良家婦女當作戰略部署之一，絕對係衣冠禽獸嘅表表者。之不過咁，呢一句四字成語同時反映一個事實，即使係人渣敗類都要着衫，要着衫自然要洗衫，要洗衫自然要晾衫，無論好人壞人都無可避免。
公仔箱論壇, v% R' J! o3 i* z# l
功夫茶到底想講乜呢？即係咁，晾衫雖然係芝麻綠豆嘅小事，香港作為一個怪誕之都竟然會變成極之頭痛嘅大事。大家都聽過有人晾衫跌落街慘死啦，證明本地晾衫設計極之差劣，尤其係公共屋邨，隨時真係攞你命。有人又會選擇走廊晾衫，鬼咁香艷嘅胸圍底褲十分容易引人犯罪，搞到慾火焚身嘅鹹濕麻甩身敗名裂就唔好啦。
晾衫設計極之差劣仲會衍生另一個問題，轉個身都有困難嘅豆腐膶蝸居無法完成乾衣任務吖嘛，街坊街里走上街頭隨處晾衫囉。好似新近建成嘅九龍灣彩盈邨咁吖，鄰近山坡變成浩浩瀚瀚嘅晾曬樂園，簡直係衫山褲海。睇唔過眼市容受損嘅好市民走去政府部門投訴啦，哈，典型嘅官僚再次施展卸膊神功，房屋署推畀康文署，康文署推畀路政署，路政署推畀食環署。總而言之，奶媽雖多，無人餵奶。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。- Q" z! I& O% Z
走筆至此，功夫茶有必要重提一單舊事。幾年前喎，曾蔭權仲未吹口哨坐正，當時嘅申訴專員直接向呢一位政務司司長反映將軍澳出現衫褲隨街晾嘅眼冤情況，要求煲呔曾下令處理。殺雞點解要用牛刀呢？射蚊因乜要用導彈呀？事關政府部門又係一個推一個冇人正視問題，把幾火嘅申訴專員咪大腳傳中將個波交畀司長大人囉。
重提舊事係要話畀大家知，香港嘅晾衫問題的而且確好大鑊，郁啲都要驚動年薪幾百萬嘅頂級高官。照咁睇，家陣九龍灣彩盈邨嘅晾衫殘局怕且要由唐英年親自過問，鬼叫你係當今政務司司長咩！公仔箱論壇2 P) K4 x- M, U/ p, v% W
唉，堂堂曾蔭權走去收拾晾衫爛攤子，係就係充滿娛樂性，同佢擔任掃街大隊長一樣咁好笑，不過諗深一層，其實係好可悲。一葉足以知秋，各大部門連晾衫咁雞毛蒜皮嘅小事都可以搞到亂七八糟，任得萬國旗隨風飄揚有礙觀瞻，證明呢一個政府嘅管治模式根本係半天吊，一如唐唐金句話齋，吊吊Fing。
話時話，大官管小事都見慣不怪咯，唐唐都做過管樹大隊長啦，咁不如真係變身管理衣冠晾曬欽差大臣，徹底改善問題，話唔定以後晾衫唔使再搞出人命，咁就功德無量嘞！

來源：東方日報

歡迎光臨公仔箱論壇 (http://5.39.217.76/)