公仔箱論壇 - Powered by Discuz! Board

標題: [時事討論] 搞環保愈搞愈醜邱局長唔該早抖 [打印本頁]

作者: aa00 時間: 2011-3-23 01:14 PM 標題: 搞環保愈搞愈醜邱局長唔該早抖

弊傢伙，環保戰線又衰咗！弊傢伙，局長老爺又懵咗！唉，呢一個環境局局長邱騰華睇怕都係要執包袱㗎喇，邊有人搞環保搞到佢咁弄巧反拙o架！

大家都知啦，汽車排放廢氣係空氣污染嘅主要罪魁禍首，當然有必要對症下藥，特區政府名義上諗咗一個方法，不過可惜吖，實際上原來係聰明笨伯嘅戇居招式。政府針對輕型同重型貨車推出柴油改善計劃，鼓勵車主安裝「柴油氧化催化劑」，原意係減少碳氫化合物、一氧化碳以及懸浮粒子，點不知效果適得其反，廢氣不減反增！tvb now,tvbnow,bttvb# ?; p; |) a/ X
呢嗱，功夫茶唔係專家，對於一大堆化學名詞基本上一頭霧水，不如咁啦，等功夫茶引述中文大學嘅專家之言。中大公共衞生與基層醫療學院職業及環境健康學部有兩位專家，田林瑋教授同余德新教授領導一個調查小組，利用環保署路邊同一般監察站嘅空氣污染數據做分析，發現汽車排放嘅總氮氧化物內二氧化氮嘅百分比，由九八年嘅百分之二，大幅上升至○八年嘅百分之十三。換言之，十年之內廢氣足足多咗十一個百分點呀！公仔箱論壇) X# e9 T/ @3 }# p: w
喂，人哋中文大學冇理由生安白造砌你生豬肉啫，一定係官方嘅環保政策出咗問題。詳細嘅化學原理唔講嘞，總而言之就係政府鼓勵貨車安裝嘅「柴油氧化催化劑」弄巧反拙。所以咯喎，中大專家好客氣咁話，建議政府進行更多綜合性研究，評估空氣改善措施，從而改善市民健康，又建議政府鼓勵業界改用比較環保嘅歐盟五期貨車。
你話吖，目的係減少廢氣，結果係增加污染，局長老爺邱騰華係咪又懵咗？中大專家文質彬彬先至同你客氣咋，功夫茶為公為私一定老實不客氣，唔該邱騰華真係引咎辭職啦，退位讓賢畀第二個有識之士救救地球、救救香港、救救全人類嘅下一代！
要求邱局長執包袱絕對唔係功夫茶嘅偏見，睇睇立法會議員點講吖。冇耐之前邱騰華出席立法會會議，三度被質問改善空氣質素失職，推動停車熄匙又面目全非等同「剝光豬」，要求佢老人家承擔政治責任落台。/ G$ U; [1 F; ` l; V
講真，人搞環保，佢搞環保，全世界怕且冇人學似邱局長咁愈搞愈醜。就好似嗰一單侵佔郊野公園改作垃圾堆填區嘅超級鬧劇咁吖，功夫茶完全冇辦法想像外國會有環保官僚居然會主動破壞生態環境。
邱局長，唔該做下好心早抖啦，閣下唔早抖，環保冇得救！

{+ I- y4 \) N6 w2 _4 V7 O5 {
; |8 F( `6 o0 f, V7 j
來源：《東方日報》

歡迎光臨公仔箱論壇 (http://5.39.217.76/)