公仔箱論壇 - Powered by Discuz! Board

標題: 水漲船高乜都加　官富民窮乜都假 [打印本頁]

作者: aa00 時間: 2011-2-28 01:40 PM 標題: 水漲船高乜都加　官富民窮乜都假

今年五月開始實施最低工資，時薪至少二十八蚊，將會有乜嘢影響？呢鋪真係有辣有唔辣，對於草根階層嚟講，實施最低工資梗係好事啦，唔使餐餐受到無良僱主剝削吖嘛，以前捱生捱死隨時只係賺到雞碎咁多，簡直係朝不保夕嗰隻，有咗時薪二十八蚊保障點都叫做冇咁愁。之不過咁，最低工資無可避免又會導致水漲船高。5.39.217.76% X6 d. A' w0 @( g- ]' [ U
4 C/ Q8 P. D/ d: U
呢嗱，就好似全港租置計劃嘅公屋咁吖，將會因應最低工資而陸續增加管理費，受影響業主數以十萬計。以北區天平邨為例，管理公司一度要求增加管理費百分之三十四，後來經過業主立案法團以及業主大會討論，最終通過調整幅度係百分之二十二，平均每戶每月加價六十至一百二十幾銀。
即係咁，保障打工仔嘅最低工資係大勢所趨，屋邨調高管理費確係無可厚非，之但係功夫茶有兩個要求。第一，加價還加價，千祈唔好乘機博大霧撳住嚟搶，最好就係循序漸進分階段調整收費，唔好一次過獅子開大口。其次，麻煩公屋認認真真做好管理工作，唔應該好似舊時咁懶懶閒閒，若然加咗價仍然係管理不善，功夫茶唔會反對業主發起時下最流行嘅「飢餓革命」，即係拒絕繳費咁解。* W3 q! B5 P) q
好嘞，既然調整管理費唔好撳住嚟搶，天平邨管理費增加百分之二十二，算唔算過分？咁講啦，功夫茶建議業主立案法團以及業主大會再討論討論，盡量減輕業主負擔吖嘛。
正所謂見微知著，屋邨因應最低工資而增加管理費，其實反映今時今日百物騰貴，衣食住行無不加價。唔好唔記得喎，全球糧食短缺，內地食品價格不斷飆升，財爺曾俊華就話唔知米貴啫，連茶餐廳一碟粟米斑塊飯都唔知幾錢，香港人個個深刻體會到加風熾熱，冇辦法唔憂柴憂米。5.39.217.760 m9 b% C$ d: I( T9 V
所以話啫，呢一個鬍鬚曾實實在在犯眾憎，庫房明明水浸，儲備多得驚人，哈，死得佢吖，孤寒成性嘅財政司司長竟然拒絕還富於民，打死都唔肯直接退稅，淨係莫名其妙咁話強積金每戶注資六千元，要等到六十五歲先至用得着。喂，遠水不能救近火呀，假設你行年三十歲，今時今日已經冇飯食即將餓死，三十五年之後先至可以提款嘅強積金即使有六千萬都冇鬼用啦！5.39.217.76) e# m: Z+ j) m& g
講番全港租置計劃嘅公屋管理費加價吖，如果鬍鬚曾願意現兜兜回水六千元，而唔係極之討厭咁樣搞到人人蜑家雞見水唔飲得，起碼叫做可以幫補幫補吖嘛。家陣唔係喎，注資強積金話就話動用二百四十億，不過基本上冇人受惠，得益嘅只係表現差到冇朋友嘅基金經理，同直接掟錢落鹹水海冇乜分別。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。& l$ L4 M0 P9 n. M7 `/ [
唉，水漲船高乜都加，官富民窮乜都假，既然曾俊華呢一份財政預算案激嬲全世界，搞到人人喊打，連冇強積金戶口嘅警務人員都非常不滿，你又難怪政客吹雞號召上街示威。; T. E) P+ n* `3 W( K; c
計功夫茶話齋，時下最流行嘅「飢餓革命」真係值得官老爺好好反省，你都唔想禮賓府好似利比亞咁樣烽煙四起吖嘛！5 Z! |4 X/ H" i7 t: N

作者: jjwah 時間: 2011-2-28 02:41 PM

時薪28有乜用.啲老細梗有辦法對付

作者: aa00 時間: 2011-3-1 01:46 PM

上有政策、下有對策，代代相傳、層層相搏。

歡迎光臨公仔箱論壇 (http://5.39.217.76/)