公仔箱論壇 - Powered by Discuz! Board

標題: 倒了一個許文彪，還有千千萬萬個許文彪說出弱勢社群的心聲！ [打印本頁]

作者: kungilam 時間: 2011-2-26 10:50 AM 標題: 倒了一個許文彪，還有千千萬萬個許文彪說出弱勢社群的心聲！

[youtube]xyLKHsfQF9I[/youtube]5.39.217.761 F+ b6 J/ R1 {/ S  J5 C

眼見 CCTVB極速殲滅 YouTube熱播嘅《創世紀》許文彪鬧爆香港畸形樓市兼無良地產商嘅片段，終於辣㷫草泥馬大軍。有人發起「刪一傳十」大行動，力抗河蟹，勢保許文彪永垂不朽，更揚言「倒了一個許文彪，還有千千萬萬個許文彪！」有網民幫條片配埋英文字幕方便老外，有啲仲剪埋誠哥、四叔嘅單頭，落條片度，製作成不同版本。家 YouTube閒閒哋有廿條 copy，春風吹又生，刪得幾多？

4 Z. i8 l  p9 F* @( z# Y
陳錦鴻：反映實況八方噚日打電話畀許文彪真身陳錦鴻，問佢點睇自己十年前嗰場戲熱爆網絡。佢話，平日好少上網，如果唔係老婆噚日話佢知，佢都唔知許文彪家咁 hit。佢認為，網民多數係年輕一群，家置業艱難，唔係個個好似佢當年咁，因為屋企住公屋，演藝畢業之後冇耐就可以用綠表申請買居屋，「網民感同身受。幾萬蚊一呎 apartment，成件事咁癲，發展商仲要出嚟標榜，失晒民心。」5.39.217.764 k  P) s; L# X$ G$ A5 P7 J$ Q
套戲十年前首播，講三個情同手足嘅朋友為實踐夢想，要起個環保城，呢段戲係講建築師出身、本來充滿理想嘅許文彪，對地產業唯利是圖好失望。陳錦鴻話，當時要演繹呢份理想幻滅嘅激憤，唔容易，成段對白成十頁紙，佢背咗成個星期。雖然佢當年無置業困難，但就覺得編審周旭明呢場戲好能夠反映香港現實情況，「香港發展商起嗰啲成萬蚊呎嘅樓，窗台就好大，但連晾衫嘅地方都冇，要晾就晾喺窗台度。」
許文彪話：「我唔係冇試過。我試過安份守己，日搏夜搏，賺嗰一萬幾千，我試過！但出面嗰班人，出面嗰班人，佢哋識建築識起樓咩？佢只係攞少少錢出嚟，攞少少時間，炒起個樓市就不停賺大錢。咁叫公平咩？」十年後睇返，小市民仍然係搵緊一萬幾千，地產商仍然係炒起個市就發過豬頭。
4 M: M& h$ b) u, c% b
許文彪有 fans group
「你出去問啲人，是但問一個人，問吓佢哋想要啲乜嘢？佢哋答案好簡單，只係想要一間好普通好普通嘅樓。點解佢哋要用成世人嘅時間去供一層樓呀？因為啲有錢佬喺度玩嘢呀！越有錢就越有得玩呀！呢個世界公平咩？呢個世界公平咩？」今時今日，發展商繼續玩嘢，牛池灣變飛鵝山， 46樓變 88樓都仲得。3 j) U# [; S$ u8 j# ?& @# J
有網民喺 facebook成立咗個許文彪 fans group。有網民留言話：「十年來香港都沒有改變！」曾特首，恭喜你，至少香港地產同樓市呢方面，極可能落實到 50年不變嘅承諾。

作者: li5517 時間: 2011-6-2 01:39 AM

許文彪

歡迎光臨公仔箱論壇 (http://5.39.217.76/)