公仔箱論壇 - Powered by Discuz! Board

標題: 三無政府得把口三無人士得個吉 [打印本頁]

作者: aa00 時間: 2011-2-22 01:57 PM 標題: 三無政府得把口三無人士得個吉

講到紓解民困，港府至叻就係詐傻扮懵，成日用香港已有綜援安全網做藉口，扶貧責任卸得就卸。查實所謂安全網早就殘缺不堪，漏網之魚愈來愈多，家陣香港正一「到處有白燕，通街張活游」，唔怪得財爺鬍鬚曾畀人叫「扶貧逃兵」咯。

新一份財政預算案聽日出爐，過往無法受惠於港府紓困措施嘅三無人士，今鋪會唔會再次成為漏網之魚，又係得番個吉，到時就有分曉。5.39.217.76( a3 @! v$ s5 E6 w+ k: L
所謂「三無」，即係無交稅、無公屋、無綜援。呢啲靠一人或者兩人打工維持生計嘅草根階層家庭，既係被港府遺忘嘅一群，更係高通脹環境之下最直接同最無奈嘅受害者。
呢，麥太就係典型個案嘞，佢一家四口住喺荃灣一間只得一百四十呎嘅唐樓劏房，靠先生一萬一千蚊收入維持生活。扣除每月租金、水電雜費、交通費同長女嘅補習費，先生份糧已經唔見咗一大半。. I2 O' l/ G8 V
麥太幾年前由內地來港時細仔未出世，申請公屋同綜援都因為居港未滿七年被拒，家陣個仔已經兩歲半，但公屋申請仲係泥牛入海無消息。政府成日話紓解民困，攞綜援嘅出雙糧，有屋嘅有差餉、電費減免，公屋住戶就免租一兩個月，好似佢咁嘅三無人士就一個崩福利都攞唔到。百物騰貴，樣樣起價，唯一可以做嘅，就係等街市接近收檔至去買餸，餐餐鹹魚青菜，真係聽見都心酸。tvb now,tvbnow,bttvb8 t" d6 _2 G6 H; e8 M( f
有三無人士話，家庭收入唔穩定，惟有出慳字訣，樣樣慳到盡：仔仔行路返學校、煮餸青菜做主打，兩個禮拜至煲一次湯，仲要求神拜佛千祈咪病，睇一次醫生百幾蚊，簡直係攞命。而最慘就係，通脹愈來愈嚴重，租金有加冇減，遲早都頂唔順，你話係咪既悽慘又無奈吖？
有關注組織狠批當局成日得把口話關心，幫市民對抗通脹根本就係「有姿勢、冇實際」。亦有社福機構批評港府，明知三無人士存在，居然話「唔知點幫」。家陣通脹失控，低收入人士遲早「連粥都冇啖好食」。5.39.217.76$ Z' k9 |- `/ D% C/ m
講到港府「有姿勢、冇實際」，最典型莫過於畀人狂掟膠樽嘅「鼓勵就業交通津貼計劃」嘞。口口聲聲話幫打工仔，但成個計劃卻斤斤計較，諸多限制，仲設置人為障礙，將以往個人申請改為以家庭為單位，將部分低收入人士拒於門外，都唔知係想幫基層打工仔吖，定係為咗做騷敷衍市民。
港府扶貧，愈扶愈貧。庫房水浸，當局幾乎年年都話推出措施幫助低下階層，但係就口水多多，行動少少，更加長期忽視三無人士所處嘅困境。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。$ I; h3 j& _) k$ y% w
港府坐擁龐大財政儲備卻無所作為、面對低下階層飽受通脹之苦無動於衷、解決貧富懸殊問題無長遠規劃，呢個咁嘅「三無政府」又點會真心幫弱勢社群走出困境吖。
鬍鬚曾舊年扮晒嘢，要人哋幫佢諗協助三無人士嘅方法。計功夫茶話齋，其實辦法好簡單，就係咪得把口嗌扶貧，隻手搏命撳住個荷包，快啲對症下藥開倉派米。一句講晒，速速磅，咪兩頭望！+ D; E) g$ @4 X! f( V( o

歡迎光臨公仔箱論壇 (http://5.39.217.76/)