公仔箱論壇 - Powered by Discuz! Board

標題: 3-8-07講[馬故]----[危險] [打印本頁]

作者: ooappleoosm 時間: 2007-8-3 07:01 PM 標題: 3-8-07講[馬故]----[危險]

今日係講[故],係真實馬圈故事.
小弟好耐冇講[故],尤其係[馬圈故],因為編[一個大佬的誕生]已經打好佐,適當時候會出嘢.
今季馬仔比馬會KO佐,下季會縮注,隔幾日刨好,再响當日收[風],同路就玩吓位置,消息吾好就最多吾賭.
而家馬仔最難計就係戰意,練馬師將隻馬[谷]到火紅火綠都冇用,如果馬房當日冚旗,隻馬靚一靚都死,馬匹臨埸愈靚,馬迷死得愈慘烈.
自己最想睇下季[集成電路]馬房會有幾多匹馬.其實馬圈以前到現在,大把馴獸師係重數組,遠有[草猛雄],[張乜幫],[王八旦],近嘅有[電路],[危險]當然清楚個個嘅底牌啦!現在最慘係[電路],呢個我上季尾都講過,今日吾講,如果數從前,以[幫哥]條數最細,只不過欠幾十個,[王八旦]就欠幾佰個,仲比人响清晨五點幾入[狗會]追數,至於最慘烈係[草猛雄],條友同[道友騎師]一齊過冮,嫖,吹,賭,結果做佐重數組,因為當時條友係現役馴獸師,所以可以借[過千萬],當時債頭係[實四好]嘅忠孝仁義其中之一個字頭,小弟响網上吾講得咁明,各位要自己估[字頭],[草猛雄]諗住自己係馴獸師千萬數目一定冇問題,點解條友比當時狗會响英國請番嚟嘅[特務飛龍帶維輸]連[相]都影埋,呢條[帶維輸]响保安部果朵好[响],係前[英國特務],[牙擦馴獸師]因為比佢裝做[偷聽器],攪到[牙擦馴獸師]同狗會反晒面,話說狗會保安部大佬[帶維輸]向上頭爆[草猛雄]大鑊,狗會睇到[草猛雄]實一實,而且事件响馬主之間已經吾係秘密,[草猛雄]因而出擊吾能夠得心應手,以前出擊係輪大米,要插香,吾同線路要有共識,因為[草猛雄]已經係狗會目標,又有邊個敢同佢有聯絡呢?結果[草猛雄]連[眨眼針]都還吾起,咁[實四好]咪派人招夫[草猛雄],打到[草猛雄]變佐[猪頭叻],仲講明要[人]吾要[錢],[草猛雄]當時真係辦法諗盡,好彩當時佢[冧巴吐]撘路,幫佢向英國幫求糧草,結果[草猛雄]筆數攪晒,但做佐[某英國馬房]嘅門口狗,[草猛雄]出嘅馬一係做開路先鋒,一係幫人做單擋,馬主們看在眼裡,自己比錢養嘅馬做佐人家[工具],當然條氣吾順啦,結果[草猛雄]嘅收埸,老一輩嘅馬迷有目共睹.
又講吓其他[馬故],話說[車輪]同馬拉幫嘅關係比狗會發現,但[車輪][精]過冇尾蛇,加上有幾位大蕫撐腰,狗會都冇[符],狗會諗住用禁藥事件希望除去眼中針,結果白狗[王八旦]中招認罪,但[車輪]因為係[律師出身]加上後枱夠硬,佢老西都吾認罪,結果原來係[洗頭水]問題,[洗頭水]原來[落]佐[草酸],[車輪]而家都揾夠退休,以馴獸師嚟講,佢真係風光榮休果隻.
得閒小弟又講吓[反骨丁]點起[牙擦馴獸師]尾注,引致[牙擦馴獸師]下[封殺令],攪到[反骨丁]要揾埋父母一齊求情,而[反骨丁]仲响[狗房門口]下跪[牙擦馴獸師]求原諒,結果[牙擦馴獸師]都係捧[忠心葉]做[正選],點解[牙擦馴獸師]會咁睇起[忠心葉]呢?[忠心葉]做過乜事令師父咁[冧]呢?會吾會同[賓妹事件]有關呢?而[反骨丁]究竟點起[牙擦馴獸師]尾注呢?攪到[牙擦馴獸師]要清理門尸下封殺令,連首席大第子都吾認,係乜嘢因由呢?仲有就係[牌仔明]點同[狗會花王]吋通一齊做[狗]食大茶飯呢?呢個[迷],下次[危險]得閒會揾埋[二興王]一齊解開,係[得閒]先解開.

歡迎光臨公仔箱論壇 (http://5.39.217.76/)