公仔箱論壇 - Powered by Discuz! Board

標題: 關愛飯堂一連10日提供免費餐予弱勢社群 [打印本頁]

作者: aa00 時間: 2011-1-8 12:40 AM 標題: 關愛飯堂一連10日提供免費餐予弱勢社群

來自北愛爾蘭的牧師麥農理聯同20多個團體，由明日起至本月16日、於不同地區舉辦17場關愛飯堂，為有需要人士免費提供午膳及晚宴。麥在北愛爾蘭籌募了60多萬元活動經費，預計可招待6500人，希望可向本港低收入人士、長者、少數族裔及弱勢社群表達關愛。麥又指，一半場次已爆滿，有需要人士可致電27281700登記及查詢。

作者: 4557 時間: 2011-1-8 01:54 AM

連老外都覺得香港生活越來越困難,
個政府系歪咪要好好反省一下

作者: aa00 時間: 2011-1-8 12:38 PM

2# 4557 公仔箱論壇 r+ {, i; a! D7 R& A0 T
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。1 U; @7 T/ g0 T! L; [" j
這段新聞出街就不斷有人關注，包括新聞工作者，如下：

濟貧靠外援　港府真羞家羞家！羞家！真羞家！香港窮人居然要等外國人打救，真係講起都醜。港府坐擁金山銀山，扶助弱勢社群仲要靠外援，難為班高官仲好意思吹水「以民為本」，sorry罷啦！
政府個關愛基金十畫未有一撇，民間嘅「關愛飯堂」首先開爐。北愛爾蘭一位牧師帶領由幾十位信徒組成嘅義工團隊來港，今日起喺多個地區一共舉行十八場餐會，邀請低收入家庭、長者、少數族裔及弱勢社群免費參加，預計有幾千人受惠。tvb now,tvbnow,bttvb& X0 H1 Y3 H8 n% D( E0 {
點解北愛牧師有咁嘅善舉？原來佢舊年來港視察，發現呢個所謂國際大都會竟然仲有咁多露宿者同窮人，正式係「路有凍死骨」，於是就構思設立「關愛飯堂」，等本港貧苦大眾可以感受多啲溫暖。有本港牧師有感而發，話呢次活動令人諗起上世紀六、七十年代外國教會嚟香港「派奶粉」嘅日子，直斥港府施政混亂，令香港好似時光倒流咁。5.39.217.76; I6 P5 u2 i8 X4 b
雖然話行善無分國界，北愛牧師不遠萬里來港施恩濟貧，係為咗弘揚大愛。但諗深一層，歐洲各地正深陷債務危機，財赤高企，好多人等待援手，呢位牧師捨近求遠，長途跋涉來港做善事，實在非常難得。再講，世界上經濟環境更差嘅地方多的是，人哋點解偏偏要幫香港窮人？其實理由一字咁淺，就係港府扶貧不力，對低下階層闊佬懶理，關人個關。
唔知財政司司長曾俊華睇到咁感人嘅扶貧場面有乜反應？按照佢「派糖加劇通脹」嘅邏輯，關愛飯堂免費派飯，窮人會將慳咗嘅米飯錢用於其他消費，譬如天寒地凍買番件厚衫、幫仔女添置文具書本，咁豈不是會進一步刺激消費，增加通脹壓力？
講起鬍鬚曾，真係唔提猶自可，提起把幾火。家陣通脹瀕臨失控，柴米油鹽、衣食住行樣樣加價，打工仔入不敷支，貧富懸殊愈來愈犀利，市民都希望港府喺下個月發表嘅財政預算案提出開倉濟貧措施。點知鬍鬚曾竟然閂定後門，除咗否認自己係守財奴，仲話派糖係「非常時期」作出嘅「非常措施」，唔係解決問題嘅唯一方法，甚至可能會進一步推高通脹，影響政府財政穩健喎。
簡直九唔搭八，鬍鬚曾謬論連篇，廢話多多，唔怪得成為過街老鼠，被市民群起而攻喇。立法會各黨派前日一致通過動議，要求政府喺預算案推出紓困措施，協助市民對抗通脹。- q+ {: L$ M) c! P" ~
話時話，呢個政府對窮人涼薄係人都知，每年財政預算案公布之前，鬍鬚曾唔係話財政可能出現赤字，就係話派糖無助解決貧窮問題，總之一個崩都唔想攞出嚟。呢次仲離譜，以通脹作為擋箭牌，糖都未派就靠嚇。
庫房豬籠入水，今個年度財政盈餘估計可能高達一千億，但港府依然一毛不拔，搞到要外國教會嚟香港扶貧，講起認真丟架。計功夫茶話齋，協助市民對抗通脹渡過難關，當局責無旁貸，鬍鬚曾拒絕還富於民，派糖心不甘情不願，唔止孤寒，直頭係涼薄兼冷血！

歡迎光臨公仔箱論壇 (http://5.39.217.76/)