標題:
計劃限制太嚴苛 交津好事變壞事
[打印本頁]
作者:
aa00
時間:
2011-1-6 11:57 AM
標題:
計劃限制太嚴苛 交津好事變壞事
咦，死火嘞，莫非歷史重演即將又會有五十萬人上街遊行？唔好以為功夫茶危言聳聽，有數據睇o架。
5.39.217.769 U) U. K2 }0 j, x: o, Y! p; M2 L# d6 r
公仔箱論壇& l0 _& e1 J! n8 c5 ]
香港大學民意網站最新調查顯示，不滿政府改善民生嘅比率高達五成半，創咗○三年七月一日五十萬人上街遊行以來嘅新高。
2 h+ W( g& t7 ?4 X, g+ ?
喂，民怨沸騰回復舊觀喎，點解唔會歷史重演先？曾蔭權睇怕要及早搵定一個信譽可靠唔會隨便醫死人嘅骨科醫生，一係就預防腳患，一係就做定拐杖，避免忽然腳痛唔知點算好吖嘛。
, D; r8 ^: D* b/ V! T" h, j" r- l
民怨之所以咁沸騰，原因好明顯啦，經濟話就話復甦，好多大公司賺到盆滿缽滿，可惜打工一族未能受惠，不少受薪階層去年加薪只係百分之一至二咁大把，扣除通脹之後，變相減咗人工。喺呢個通脹猛於虎嘅大環境之下，坐擁巨額盈餘嘅特區政府居然袖手旁觀乜都唔做喎，既冇開倉派米，又冇紓困措施，十足十孤寒成性守財奴。你話嘞，官富民窮之下有乜可能唔係怨聲載道？
# {% s5 L; |" J V: O
大家可能會話，咪住先，特衰政府其實都衰唔晒吖，最近就推出咗「鼓勵就業交通津貼計劃」，將舊有嘅跨區交津計劃擴大至全港適用，你又唔可以話佢哋一碌葛咁完全冇做嘢喎。
! M! ]6 A. v4 T
嗱嗱嗱，為人處世唔做得咁天真o架，唔好隨便信人呀，小心淪為鹹濕伯父或者鞋帶色魔嘅獵物。你以為呢個所謂交通津貼真心誠意鼓勵就業？錯！錯！錯！立法會人力事務委員會主席李卓人已經幫佢改咗一個花名，叫做「不鼓勵就業、不鼓勵儲蓄、不鼓勵搵工，歧視婦女交通津貼計劃」，批評政府設下重重關卡，令計劃由好事變壞事。
/ y. B1 t* Q* K( N; c
即係咁，呢個搵笨計劃要資產審查o架，唔查過家宅唔畀你申請，而且限制嚴苛。根據相關規定，申請人必須符合收入及資產限制，每月做夠七十二小時就可以申領六百元津貼。限制嚴苛成點呢？以三人家庭為例，每月總收入唔可以超過一萬二千元，即係平均每人月入不得超過四千銀，你話嘞，收入咁少先至有資格申請，點開飯呀？
; r9 ]# h# W8 Q! L! q
仲有，新計劃由個人申請改為家庭作為單位。咁又有乜問題呢？大家不妨設想一下，有一個雙失青年窮到燶，一心諗住申請交通津貼搵嘢做，不過父母儲蓄大半生叫做有少少棺材本，好嘞，萬一官老爺話，你一家三口加加埋埋資產超標，冇資格申請，你話個仔應該點做呢？一係向政府宣誓從此斷絕父母關係囉，一係簽份「衰佬紙」講到明唔養屋企人囉，咁就可以一支公獨自申請嘞。
- Z! l- k B n1 Z' P" F$ \% p
仲有仲有，好多人尤其係家庭主婦依靠兼職維生，一個月冇可能做得夠七十二小時，你點解唔照顧佢哋先？難怪有可憐女子好悲憤咁哭訴：「兼職唔係做嘢咩？洗碗嗰啲係廢o架？人工咬出嚟有血有汗o架，我哋好似乞咁，唔覺得政府有尊重過我哋！」
8 w0 i) U6 v( b8 L5 Z. ~' Q1 h公仔箱論壇
好心特區政府一眾官僚切切實實做好利民紓困工作啦，有冇聽過樹倒猢猻散呀？萬一真係又有五十萬人上街，一個唔好彩又有人腳痛落台，做細嘅都冇運行o架咋！
歡迎光臨 公仔箱論壇 (http://5.39.217.76/)
Powered by Discuz! 7.0.0
