小弟於 5 月中在衫台出左部3gs, 用左幾日，發覺部電話每次通話時對方都話我好細聲，於是拎去維修中心整，後來佢話已經幫我升級軟件，OK 架 la , 取機時試下又好似好左dd, 咁以為無野啦，點知用左幾日，對方聽唔到我講野的情況又間中出現，但係因為無時間拎去整，最近發覺仲成日無 la la 講講下電話自動斷線，咁唔整都唔得 la ,昨日帶部機上衫台的維修中心，佢話部機張紙有少少轉粉紅色，保養已經唔保，我話部機本身就有問題，而我就好肯定部機無濕過水，自問用機好小心，但係維修 d 員工堅持咁既情況下，佢地係唔會維修的，佢地就建議我補返 1700 蚊，換過部機，我問係咪新機，佢竟然話唔知，佢解釋話 APPLE 只話係星架坡來的機，是否全新 APPLE 都無答覆佢地，咁我容乜易比多 1700 蚊換部舊機返黎。
