公仔箱論壇 - Powered by Discuz! Board

標題: 私隱線又失守　周一鑊唔怕醜 [打印本頁]

作者: jjwah 時間: 2010-6-21 06:07 PM 標題: 私隱線又失守　周一鑊唔怕醜

咦，功夫茶忽然之間覺得非常擔心，萬一各位朋友有乜頭暈身一個唔好彩要入廠維修，即係去醫院求診，好唔好報上真實資料姓乜名乜住响邊一忽？定係求求其其亂噏廿四算鬼數？你知啦，私隱呢家嘢愈來愈敏感，雖然小市民唔係乜嘢達官貴人啫，身體狀況唔算重大機密，之但係咁喎，個人資料一旦洩露出去，後果可大可小㗎！. O0 ~6 Z& v9 n9 ]1 F) _* R) ]
好衰唔衰，香港公立醫院嘅保安水準簡直係低級笑話，私隱線經常失守。呢嗱嗱嗱，冇耐前之嘛，明愛醫院載有三千多名眼科病人資料嘅電腦硬碟不翼而飛，事隔不久，又整一單。4 o% p2 ?. }7 C4 z( i( S* |; k& G" D
九龍醫院護士學校遺失一隻載有三百多名護士學生包括姓名、性別、聯絡電話以及個別學生電郵嘅ＵＳＢ記憶體手指。
個人資料一次又一次洩露，私隱線三朝兩日又崩潰，你估相關人等有乜反應吖嗱？食物及衞生局局長周一嶽話喎，對事件非常關注，醫管局有責任小心處理，該局所有員工必須遵守相關指引。至於醫管局署理行政總裁張偉麟，同樣話非常關注，向當事人致歉之餘，亦督促明愛同九龍醫院即時檢討，加強保安及培訓，確保同類事件不再發生。
唔知大家點睇，功夫茶就覺得特區政府零舍多人肉錄音機。你問林瑞麟幾時有普選時間表咩？林公公噏完又噏重重複複。你問曾蔭權點先有起錨路線圖咩？煲呔曾更加機械化，睇一睇貓紙重複一句，睇兩睇貓紙重複兩句，了無新意成咁，難得佢承認同余若薇嘅政改辯論係好似踢波「半場都未過到」。除此之外，另一部人肉錄音機就係每周孭一鑊嘅周一鑊。
洩漏一次私隱，講一次非常關注；洩漏兩次私隱，講兩次非常關注；洩漏Ｎ次私隱，講Ｎ次非常關注……喂，唔好咁悶蛋得唔得呀？
重重複複都算嘞，至多煩少少啫，咪好似忍受世界盃嘅「烏蠅喇叭」咁忍咗你囉。最弊嘅係，煩過烏蠅嘅人肉錄音機冇一次有實際行動改善吖嘛，餐餐都係齋噏一輪就算，所謂關注，關人個關！
唉，講到齋噏冇改善，確係令人氣餒。由於公立醫院遺失個人資料次數太多嘞，所以醫管局前年成立專責小組提出二十六項改善措施，當中包括要求所有員工從個人電腦或ＵＳＢ記憶體刪走不必要嘅病人資料，以及設立專門儲存病人敏感資料嘅加密伺服器。可惜吖，有措施等於冇措施，要改善始終冇改善，私隱線依然失守淪陷停不了。, U3 r4 g% I0 K) b, J8 q
計功夫茶話齋，醫院電腦未必有加密，局長臉皮一定有加厚。喂，你睇睇周一鑊臉皮幾厚先得㗎，一而再出醜，完全唔怕醜，繼續若無其事尸位素餐，唔到你唔寫一個服字。8 e1 U& e8 k% R+ k1 R
既然係咁，功夫茶有必要忠告各位積極考慮虛報資料，入廠維修嘅時候，只要姑娘問到，閣下高姓大名呀？答案或者係咁：鄙人姓周名一嶽，其他個人資料一律無可奉告！# ?% n- H/ L+ I/ g5 h+ }# Y
+ e$ ]( n/ q! g' G8 l/ `
本文連結 : http://orientaldaily.on.cc/cnt/news/20100621/00190_001.html

歡迎光臨公仔箱論壇 (http://5.39.217.76/)