撰文：凌逸德出版：2024-12-16
2020年度香港小姐冠軍謝嘉怡（Lisa），昨日（15日）帶同3隻愛犬往大埔社山村散步期間，其中2隻懷疑誤食路邊毒肉慘死。她今日（16日）親往大埔警署報警，經過前後逾6小時錄口供等手續後，晚上開腔向《香港01》親身剖白事發經過。
謝嘉怡指，兩隻愛犬進食毒肉後「秒速」暈倒，相繼死亡；倖存的一隻老狗疑得悉同伴驟逝，離開診所時更「嗚」一聲悲鳴。謝嘉怡強調，平日從不會讓狗狗進食不知名食物，今次發現時已太遲。她促請警方盡快將兇徒繩之卡法，又呼籲市民如發現可疑食物，必須報警，以防有其他狗隻受害。
謝嘉怡兩隻愛犬疑誤食毒肉身亡，包括3歲唐狗「peachy」。（IG@lisamarie_tse）
兩隻慘死狗狗，分別為6歲臘腸狗「summer」及3歲唐狗「peachy」；倖存的則是13歲老狗「Leo」。謝嘉怡表示，每逢星期日均會帶同愛犬往不同地方散步，昨日她偕友人新嘗試往鄰近社山村一帶，由於Leo年老，視力較差，遂用狗繩綁着，惟summer和peachy可自由活動。不消一刻，謝嘉怡突發現牠們在彎位路邊進食，「轉個彎就見佢食緊啲嘢，我即刻跑過去，因為除咗我煮嘅狗糧，我唔會畀佢哋食其他嘢。」
謝嘉怡憶述，peachy進食後短短數秒，已昏厥倒地；30秒後，summer亦出現同樣情況。她與同行友人立即抱起狗狗跑往馬路，獲一名熱心男途人協助截停一輛的士，隨便在網上搜尋最近一間位於大埔寶鄉路的獸醫診所趕往。惟短短約10分鐘的車程，人狗已陰陽相隔，「peachy已經喺車上面過咗身，summer我畀獸醫時仲未死‥‥‥由佢哋食到死，最多半個鐘。」
謝嘉怡兩隻愛犬疑誤食毒肉身亡，包括6歲臘腸狗「summer」。（IG@lisamarie_tse）
謝嘉怡形容，有人處心積慮毒害動物，「整到好似成個餐咁，用banana leaf（蕉葉）鋪底，有臘腸有雞脾有好多唔同嘅肉！」她又引述醫生指，愛犬是服用了「neurotoxins」毒藥，「話會立即入腦，最嚴重啲藥，根本係想整死啲動物‥‥‥全部都係特登做嘅，唔係唔小心，just crazy（好瘋狂）！」
兩隻愛犬遺體將會交由寵物善終協助火化，謝嘉怡打算將骨灰製作飾物。幸保性命的Leo，得悉同伴驟逝後，更疑痛心悲鳴：「summer係佢最好朋友，一離開診所，佢就好大聲嗚一聲，佢平時唔會咁‥‥‥」
怒斥有心人士刻意毒死狗。（IG@lisamarie_tse）
今日下午約1時，謝嘉怡親身前往大埔警署報案，至晚上7時半才離開，她更獲悉已有其他狗隻中毒，促請警方盡早將兇徒繩之於法，「真兇係唔會可以逍遙法外，you cannot escape！」
她亦感激施援男途人及的士司機，並呼籲所有狗主或市民，如發現有任何可疑食物，必須報警，「如果多啲人report呢啲事，部門先可以處理，好希望大家可以諗多啲，咁先唔會有其他狗受害！」
根據謝嘉怡在帖文中稱，昨日帶3隻愛犬到大埔林村社山村散步，期間兩隻狗狗「Summer」及「Peachy」誤食路邊懷疑有毒雞肉及肉腸，隨即倒地抽搐，其中一隻未及抵達獸醫診所已撒手塵寰，另一隻亦緊隨其後逝世。她批評「令人噁心、恐怖及不可原諒的人（some very disgusting, horrible and unforgivable person）！」
文中所示，謝嘉怡大受打擊，感到不解及崩潰（utterly confused and destroyed），稱肉塊用盤盛載，落毒者精心策畫（this was very well planned out），怒斥落毒之人奪去無辜狗仔的生命，一度對人性失去信任（ I lost my faith In humanity）。幸其後得路人協助、的士司機免費義載、及盡力搶救的獸醫及護士，才感到世界上仍有好人存在。
謝嘉怡經理人Anna早前接受《香港01》電話訪問指，「咁情況係刑事嚟，所以我建議佢報警。」她又指，愛犬慘死，謝嘉怡情緒大受影響，「佢（謝嘉怡）心情真係好差，已經養咗好耐‥‥‥本身佢今日都有job（工作），都真係做唔到，要請假。」
謝嘉怡分享愛犬照片。（IG@lisamarie_tse）
謝嘉怡的狗仔中毒慘死。（IG@lisamarie_tse）
謝嘉怡心情悲痛。（IG@lisamarie_tse）
警方回覆查詢時表示，今日接獲一名女子報案，指昨日曾帶名3隻狗隻到大埔社山村散步，其中兩狗懷疑曾進食一些置於路旁的肉碎，其後感到不適，同日死亡。警方經初步調查後，將案件列作「殘酷對待動物」處理，將交由大埔警區刑事調查隊第六隊（動物罪案警察專隊）跟進，暫未有人被捕。警方重申，一向重視任何懷疑殘酷對待動物的案件，並會以多機構合作的模式積極防止及偵查有關罪案。 |
發表於 
