C朗愈勁，皇馬愈愛！新鮮出爐世界足球先生C朗拿度「登基」第二日，即刻再同皇家馬德里扯上關係。據西班牙傳媒報道，皇馬準備動用足球史上最強銀彈攻勢，動用一億一千五百萬歐元（轉會費、簽字費及經理人佣金），加二十二萬英鎊周薪迎接呢位「新球王」。消息話C朗早前突然申請註冊「CR9」商標，正係佢加盟皇馬簕預兆！
施丹、朗拿度、費高、簡拿華路，過去八年０既世界足球先生，有一半都係皇馬出品，C朗拿度前日登上世足先生寶座後，反而令皇馬愛慕之情有增無減！據《天空體育》駐西班牙專家爆料，皇馬會長卡達朗已同C朗私底下密斟夏天轉會，球會為得心頭好，不惜出到八千五百萬歐元轉會費（約八億七千萬港元），亦保證C朗賺二十二萬鎊周薪（約二百五十萬港元）成世界最高薪球員，可以話係志在必得。
雖然C朗過皇馬簕傳聞一直都係煲冇米粥，但今次英國傳媒就搵出唔少蛛絲馬，英國《太陽報》踢爆C朗經理人文迪斯，早前効葡萄牙正式註冊「CR9」商標，似乎預示「CR7」將成為歷史，事關皇馬7號戰衣一直由王牌魯爾所有，如果C朗過檔，最有可能就係沙維奧拿0既9號波衫，「CR9」有望成為未來超級商標！
下季過檔賠率2.375倍
就連英國莊家William Hill亦唔睇好曼聯留得住C朗，最近開出C朗効下季英超開鑼前轉會皇馬為2.375倍，發言人沙柏話：「如果C朗真係決心要走，我㳜認為曼聯今次未必有咁大力量留人。」William Hill同時亦睇好C朗下季可以衛冕世界足球先生，不過到時係以曼聯定皇馬球員身份去就係未知之數！ |
發表於 2009-1-15 07:35 PM
| 
