[香港] DQ 4人後　連續爆退黨潮　3區議員退出公民黨!

2020年12月12日 01:38

. r! N$ k3 ^7 b0 r+ a* o
3名區議員(左起:俞竣晞、譚家浚及冼豪輝)同時宣布退出公民黨。資料圖片' I4 l$ F7 |+ U8 U0 U O
& @# R" X, S/ U1 Z- |1 H

公民黨連續爆發退黨潮。
今年先後有黨員被取消參選同立法會議員資格（DQ），及後爆發退黨潮嘅公民黨（公文袋），近日再有成員宣布退黨。葵青區議員譚家浚、冼豪輝同南區區議員俞竣晞，分別喺尋晚(11日)深夜同今日(12日)凌晨宣布退黨。早前連任該黨主席嘅梁家傑（袋巾傑）回應事件時就話，唔擔心之後再出現退黨潮，仲話相信有足夠嘅人會「不忘初衷」喎。言下之意，係咪暗批緊退黨嘅人已經失去初心呢？
3 ]2 i% ?. o' Q, |& C3 U3 m
今年退出公文袋嘅人數已達雙位數字，最新包括3名區議員譚家浚、冼豪輝同俞竣晞，佢哋分別喺Facebook話即使身份點改變，對爭取民主同服務社區嘅初心依然不變，仲話今後會繼續毋忘初心添！之不過，身為該黨元老嘅袋巾傑就未必收貨，佢回應事件時就話唔擔心再退黨潮，仲話相信有足夠嘅人會「不忘初衷」。唔知係咪暗寸緊佢哋3個呢？咁就只有佢哋自己先知。; h2 q; s$ _' f- O0 x

無論如何，經歷今輪退黨潮後，公文袋喺南區區議會再無任何代表，同時喺青衣島上樁腳全失，葵青區只剩返1名區議員代表，令本身已經元氣大傷嘅公民袋更加雪上加霜。

查實該黨早前啱啱先換屆，袋巾傑決定「再坐一會」連任主席，新執委名單中只有接任外務副主席、最近轉行開茶餐廳嘅前議員譚文豪，而早前被DQ嘅楊岳橋、郭榮鏗同鄭達鴻都唔喺名單入面，該黨黨魁一職更係該黨成立14年以來首次懸空。另外，16人執委名單中，有接近一半、即7人係新人，係咪反映該黨出現青黃不接呢？

話時話，當政黨牌頭變成負累，就好似沉船咁，有人選擇跳船都好正常。立法會換屆選舉原定今年9月舉行，公文袋派出嘅6張名單中，多達4人被DQ，被DQ嘅唔單止有爭取連任嘅郭榮鏗、楊岳橋、郭家麒，就連首次參選立法會嘅東區區議員鄭達鴻都無得入閘。事件發生後，該黨出現首輪退黨潮，有約10人決定退黨，當中更包括深水埗區議會副主席伍月蘭。

其實民主派早前陷入延任嘅爭議，公文袋最終決定留喺立法會，但有份創黨嘅陳淑莊就決定唔跟大隊，唔單止決定唔延任，仲同時宣布退黨同退出政壇。而由另一泛民政黨轉投、僅加入公文袋約2年嘅沙田區議員陳諾恒，亦以睇唔到點守「議會戰線」，決定退黨。

收藏分享評分

愛 Hamster 會發達!