[時事討論] 隔牆有耳：出po感謝A1廣告　隔兩粒鐘嬲嬲豬　 689俾人問候　喜怒無常 - 李八方

TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。3 O& _7 r2 w8 ]' g* N2 `, _

# d/ [, k' @: H) {8 w
社民連主席吳文遠噚日喺《蘋果》賣全版A1廣告「問候梁振英」，以簡體字入文「支持梁振英担任国家主席」，取代要永續權位嘅習總，好多報攤、便利店一早搶購一空，好多網民等睇689係fb點回應，689最初似乎扮冇嘢，仲話「感謝」文遠大將軍，但可能佢睇睇吓先發覺唔對路，覺得個廣告玩得佢好應，隔兩小時多再出po開炮，唔通退咗休連反應都慢一拍？

689喺早上9點左右出po，未有正面回應廣告字眼，話「除了吳文遠關於我的攪（搞）笑廣告，今天《蘋果日報》沒有任何全版廣告」，又叫文遠大將軍「最好用英文再登一次」，聲言「感謝」他，不過有網民發現，689貼廣告相冇咗下半部寸佢嘅文字稿，明顯689係介意內容，但就冇乜為意廣告上半部其實都玩得佢好應。
( _: B/ a" s0 @9 m0 O& j% k
偲嫣︰CY係我心中球王
可能689睇睇吓發覺唔對路，兩個多小時後突然再出po，今次就似689一向作風，先質疑廣告所寫「香港人忍耐力有限公司」如果冇登記註冊，文遠大將軍同《蘋果》便無權用「有限公司」聲稱，否則就觸犯《公司條例》，又反問「當中有沒有瞞騙或串謀行為？」「正義聯盟」創辦人李偲嫣隨即留言讚嘆：「CY真係我心目中的『球王』！好波！」

見到689行徑咁反覆，文遠大將軍噚日傍晚回應689，話「問候」佢係香港人心願，不必感謝，又話梁身為「一個過氣政治人物，能夠引起這麼多人響應眾籌，共同聲討，不敢說絕後，至少是空前」。文遠大將軍又逐點反駁689指控，直指689「高舉外國的『杯葛廣告商』運動，不過是以反仇恨或歧視的姿態包裝政治動機，合理化自己恐嚇廣告商、干預新聞自由等卑劣行為」，又向689下戰書，「若閣下不服，何妨堂堂正正公開辯論？反正你認為有助宣傳，應該沒有理由反對，而不是躲在家中做網上游魂，在公眾場合迴避記者」。此外，他又批評現任特首林鄭月娥對689所為「不聞不問，足為香港走向『一國一點五制』的有力佐證」。

李八方

1 評分次數