arsenal vs everton 赛前分析

wlt1110

重演三季前大炒一幕 阿仙奴讓球主勝再嗒糖

文： 樂比堅尼 04/05/2008

今晚英超頭場，阿仙奴主場鬥愛華頓，樂比仔睇好阿仙奴主場大勝謝幕，推介2.65倍「讓球主勝」。阿仙奴自從痛失聯賽及歐聯錦標後，完全冇放棄，仲化悲憤為力量，近兩場均清脆擊敗對手，今晚對住長期食住愛華頓，可再嗒呢粒「拖肥糖」。（now 632周日晚8時30分直播） 時光飛逝，不經不覺英超已到最後兩輪，樂比仔加入《東方波經》亦已七年，點解突然咁有感觸？因為今晚戲碼同三年前情況好相似，就好似幾日前發生一樣，當時樂比仔貼中阿仙奴「主其他」波膽，今晚亦有預感阿仙奴能再大勝一場。

愛華頓季尾走晒樣

究竟三年前場波同今晚有乜相似地方？首先呢兩場都係五月波，又係尾二輪賽事，當時阿仙奴又係爭標無望，愛華頓則排第四，結果阿仙奴主場大炒七比○謝幕。 樂比仔唔係話三年前贏到，今場就一定贏，只係想指出一點，阿仙奴經過早前接連失利後，四大皆空反而走出低潮，近兩場贏打比郡同雷丁都踢出悅目進攻足球。樂比仔可用三個字來形容阿仙奴班球員，就係「有家」，雲格不愧為受人尊敬領隊，例行公事一樣交足貨，其他球隊應以此為借鏡。 有人可能會話，打比郡同雷丁級數點及愛華頓？但唔好忘記愛華頓下半季明顯跌Watt，足協盃十六強出局、卡希爾提早收咧、阿迪達長期受傷患困擾，大大影響愛華頓信心同戰鬥力，加上兩名箭頭「AJ」同耶高保都冇態，近期連輸七個盤，阿仙奴近年都食住愛華頓，近六次主場贏五次，今晚可以食過翻尋味。

jacksonkua

［阿仙奴讓球主勝再嗒糖］
其实主场放半一球都唔係好高！
绝对搏得过！

wlt1110

番自信重現悅目足球 阿仙奴主場派糖

文： 李健和 04/05/2008

早幾日公布全年英超最佳陣容，有四個球員入選阿仙奴成為最多人上榜球隊，雖然榮譽同實際錦標冇得比，但亦證明「兵工廠」今季表現獲得肯定。今晚阿仙奴將會迎擊愛華頓作球季主場謝幕戰，以呢班「小槍手」近期放下包袱精彩表現，和仔有信心佢可以砌低殘陣兼頹勢「拖肥糖」愛華頓，捧主勝最穩陣。（now632台周日晚8:30直播） 其實阿仙奴依家仲有一線機會爭第二位，而且雲格早前講過：「新球季依家就開始。」即係話希望以強勢完結今季為下屆鋪路，加上今場係主場謝幕戰，「兵工廠」戰意仍有保證。事實上阿仙奴今季踢得好出色，只係一班小將關鍵時刻受唔住壓力而敗倒，自從雲格宣布爭標無望後，球隊又即刻踢出悅目足球，近兩仗贏雷丁同打比郡都清脆利落，狀態唔錯。

愛華頓對Big4無好下場

雖然阿仙奴依家傷兵好多，沙格拿、路斯基、戴亞比同伊度亞度達施華都提早收咧，希比就繼續停賽，尹佩斯今場亦會因傷避戰，但阿仙奴呢幾個月已習慣晒傷患問題，賓特拿、丹尼遜、桑治等新星近幾仗臨危受命都交到貨，法米尼亦傷愈可做後備，當然唔可以唔提晒火禾確特啦，有呢位小將同復任正選艾迪巴約壓陣，應該唔憂冇波入啦。 愛華頓正為保住第五位而戰，可惜球隊季尾有多位主力打柴令成績直線下降，近七場聯賽只得一勝，戰鬥力仲有幾多就令人懷疑，而且愛華頓今季曾七戰「Big4」錄得一和六負劣績，今場想搶分都有心無力。

wlt1110

原帖由 jacksonkua 於 2008-5-4 01:48 PM 發表
［阿仙奴讓球主勝再嗒糖］
其实主场放半一球都唔係好高！
绝对搏得过！

绝对博得过。。因为arsenal主场活力全开！
everton对上英超四大班霸都输波！