[時事討論] 什麼制度什麼學者 — 專訪馬傑偉

立場報道: 什麼制度什麼學者 — 專訪馬傑偉3 o( t' B6 Q# m

5.39.217.765 Z# F5 m- g+ w1 U# d% C

馬傑偉在中大教了廿年書。這天，他說自己要退下來，淡出了。

「我覺得我唔應該再教書囉……」話與話之間，他愛摸摸自己嘴唇。「我嗰一套在新的環境下唔係好適用囉，應該比更加精通、更加可以幫到學生的人教。」公仔箱論壇0 b# B% o1 d" t1 s
tvb now,tvbnow,bttvb3 r+ R5 Y+ a# L: i
他強調自己不是灰心，也沒有失望，而是快樂地離開：「覺得好似一個一個浪咁……一個時代、一個制度，訓練出一種新的學者。」語氣沒有絲毫猶豫。5.39.217.76+ f  o% U6 ^6 |6 q9 F$ |9 B6 Z
$ q; P$ y' B) O- M" ?, }; e
上星期，大學教育資助委員會公布「2014年研究評審工作」(RAE)結果，把香港各大院校近六年的研究，評予等級，呈現公眾眼前。這，正是馬傑偉口中的「一個制度」。公仔箱論壇! h& a' e* J1 N) @5 O, _2 d' M, Q

「現在的評級有好多好處，令到學者無得自圓其說，話『我好叻』啦……又真係會令到香港在國際學術界的visibility更加高，係咁push你去4-star嘛！」對於這個量化研究成果的制度，他予以肯定。

但這個學術遊戲，他拒絕再玩。「如果畀我翻轉頭，而家三十幾歲，再選擇職業，我一定唔會做教授！」馬傑偉又摸著嘴唇。「我的情操，唔會鍾意做我依家嘅嘢。」5.39.217.762 z0 |4 U5 ^0 T5 }. `% N0 [& V

摸嘴唇，就是教授心情複雜的時候。

＊＊＊＊
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。+ B% e8 d8 A+ D6 a
馬傑偉，中大新聞與傳播學院教授，專研香港流行文化、大眾媒介，在學術圈子打滾了廿年。這一天，他似乎有點匆忙：訪問前，他要開會。甫來到，用十分鐘吃了件三文治，喝了杯咖啡，訪問就開始。一句鐘後，他又要連忙搭乘校巴，回到山上的辦公室。為的，也是開會。
; {% f" H; Y1 X+ s0 T" W( b
這就是一個大學教授的（某部分）生活。
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。+ D* n% q; P" R6 _
我們約在中大書店旁的咖啡廳見面。亮著錄音機前，馬傑偉預先警告：「這件事，一般人其實唔太關心架喎。」

這份好意，不難理解。上星期，大學教育資助委員會公布「2014年研究評審工作」(RAE)結果，把香港各大院校近六年的研究，評予等級，呈現公眾眼前。
5.39.217.76; [' D5 `, W, P
對此，媒體反應熱烈，煽風點火：《文匯報》連日發炮，狂轟港大（尤其是法律學院）「成績慘淡」，「不務正業」，「研究表現大大褪色」；其餘報章把成績表置於顯微鏡下，比較各校成績，稱讚科大獲評為四星的研究，數目遠超其他院校。
$ S! A2 U) v" X3 z( [0 q. Y
偏偏，市民興趣缺缺，反應平平。也難怪，大學院校向來有如象牙塔，高不可攀。高等學府的研究質素、離地學者的學術表現，試問跟升斗市民又有何干？公仔箱論壇. U) {; I3 G+ Y' V2 H5 S1 c

對此，馬傑偉當然不同意。「大學係發掘新知識的地方，而要發掘知識，就要資源。」教資會評審制度的存在，正是把資源作最合理的分配，為整個社會築起最多的知識堡壘。「學者的心態實在太奇特喇。佢係好獨立去諗個問題，用盡佢個方法去解答問題。」學者的解答，就形成「新知識」。

制度有效提升學術水平

但知識產生的過程，以往沒有監管。「如果無一個制度去評核佢，係靠良心呢，（學者）逗份人工，閂埋房門，即係可以『無為』架喎。」因此馬傑偉認為，客觀的學術評審制度是有其必要的。只不過現行制度又是否公平客觀？「個制度已經想避免主觀嘢，所以寫明四星就代表點點點。咁係令到成個學術界更加push去一個理性化、行政規管的秩序，對香港的國際排名係有好大的鞭策力量囉。」公仔箱論壇4 O* b0 ?1 P1 Y5 m$ N
tvb now,tvbnow,bttvb* p* K& s; I4 p+ c$ ^8 R& f! B
但這種重視行政程序的制度，經常被人文學科的學者大力鞭撻。「我都明嘅，因為我都係嗰度出嚟嘅。對程序、工具理性、一切規管人的創意同想像嘅嘢，都覺得係壓迫性啦。」馬傑偉想了半秒，提出不一樣的看法。「我就唔覺得，真心唔覺得。佢真係會令到香港在國際學術界的visibility更加高，係咁push你去4-star嘛。你知唔知，全球最top的journal好頭痕架，（作者姓氏）又Chan又Ma。你是但搵一個同香港comparable的city，New York City或者San Jose，佢output的國際論文……香港（論文之多）真係好恐怖架！」馬傑偉笑說。「咁我覺得係好架喎。香港點解有咁多國際學者肯來教書、visit，作為跳板認識大陸呀，就係咁囉。」
tvb now,tvbnow,bttvb* S. r" B. x) c4 X" ^; x  i$ F
當機械化評核成為日常

結果亮麗，過程卻令學者蒙受壓力，因為教資會的制度不單影響研究經費分配，這套理性準則，更會滲進大學教員的升遷聘用，日常評核上面。「依家我們;（的評核）有教學、研究、服務三瓣呢，有分ABC級，好似九宮格咁，比哂分架，蓋哂黑豬，蓋哂兔仔架。所有黑豬同埋兔仔，都有好specific的準則。」馬傑偉感受很深，「成個過程係好機械式的，分到好細。」
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。  ?" u, w* v. M: ]# _, m+ l
學者們因而受到極大壓力。「（初入職的助理教授）大部分都係三年約接三年約，加埋六年。第一個關卡，已經要有類似RAE標準的output。咁嗰度已經可以殺你喇。過咗關，六年裡面你又要滿足嗰啲條件。」否則升不了副教授，一切又要推倒重來。「又要去第二間，痛苦既過程又要再嚟過喇。人無乜幾多個六年架嘛，哈哈哈。」馬傑偉笑得無奈。公仔箱論壇3 G8 L2 y- m* o$ u0 X

是無奈。不過置身學術圈子，就得參與這個遊戲。面對教資會六年一度的研究評核，每位學者必須提交四篇論文，期刊文章與專著皆可，不限語文，四級評分。要獲得三、四分，須有國際影響。當時，馬傑偉為此費煞思量，因為學術界向來重英輕中，重期刊輕專著，但他自認投入最多心力的，卻是自己的中文著書。「書已經賤種啦，仲係中文添！」tvb now,tvbnow,bttvb" X4 ?/ C) ?4 i3 l, b! z

「咁咪陀衰家？」
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。  Q. C% w$ A' d; n! A+ [; H
內心掙扎，全因分數不單影響學者自身，更會左右學院所得撥款，「咁咪陀衰家？」終於，馬傑偉提交的四個項目中，包括一本英文合著專書，一篇英文期刊文章，再加兩本中文論著。前兩項問題不大，後兩項兵行險著，但他始終無悔。「我好決絕，唔會再玩呢個遊戲，我內心相信嘅嘢，我要做到出嚟。」

訪問當日，馬教授仍未收到自己研究的評分。他其實不太擔心自己有幾多顆星，卻憂慮這種成績至上的風氣會繼續在象牙塔內蔓延。「我唔知今次之後有無部門會赤裸到公布個別老師的成績，貼出嚟……咁就勁恐怖。」情景很難不令人聯想起，保險經紀的業績龍虎榜。

文化脈絡難以量化

評審制度除了功利，亦有顯著漏洞：它難以評核本地文化元素。自然科學等範疇的研究，由於文化背景不太重要，評核亦較清晰直接；反觀社會人文學科，文化脈絡交錯縱橫，評核亦難用一般通則劃一進行。以「國際性」來判斷評級的制度，結果輕視甚至扼殺了不少本土社科研究。「佢一定唔係四星，佢（評審）都唔知你噏乜。佢好本土，國際未必有興趣。一係你就提升到好抽象既層面，但一去到抽象層面呢，那些文化的肌理又無咗。」馬傑偉解釋。; ]: G0 G2 J& o2 p; @, ~6 q6 u; e

看得出，這正是他所肉緊的。「平心而論，文化的獨特性對人類極之重要，多元嘛。學術的研究呢，會好似養分，令到香港的社群，除咗更有活力之外，仲stretch到inter-subjectivity。」馬傑偉說，香港人對自己的社群、地方，向來有一套常識框架，例如「鍾意絲襪奶茶」、「以前係漁村」。而一些有活力、有啟發性的本土研究，正正可以放大框架，擴闊港人對本土的認識。「對一般阿叔阿伯都好重要，令佢不停有生氣呀。」

本土研究「對阿叔阿伯都好重要」TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。2 h7 h1 p: j5 g, c" v* a

他隨意舉例，「好似大澳漁村的研究。如果教授講下，感染一班人，之後電視台又拍下，咁啲人來香港咪唔會覺得『又係7/11又係Mark & Spencer又係HMV』囉。」香港研究生產出來的知識，可以帶動連鎖反應，「由學術生產到教育，普及到大眾媒體，到一般人對呢個地方的認識、感性，到最後去到一個好vibrant的社群。」但當學術制度再無法容納活潑的本土研究，香港人對香港地方、身分的理解，自然停滯不前。
公仔箱論壇/ B" R5 b% X( H0 ^% l: h
馬傑偉因此期望，教資會的領袖會有遠見，對文化、社會發展有所承擔。「不單止花心思整九宮格出嚟，仲花心思整一個花園……」一個培植香港文化社會獨特研究的花園。「咁將來香港在國際學術界名列前茅之餘，仲有香港個stamp喺度，唔係一個copy of Harvard and Cambridge。」具體可以怎樣做？「有一個mainstream plus、彈性啲、多元化的尺去量度文化元素特別高的研究。」他嘗試提議。「呢個都係對文化多元性的一種尊重。」這個空間，單是想像，已令教授雙眼發光。「咁就好正喇，好理想喇……但唔難做得到架喎！」: ^% |# N# F$ L/ J
- t- i% N0 p; _9 w$ n$ a
我嘗試把教授拉回現實。與自然科學相比，人文社會研究不用購買儀器、試管，只需請個研究助理回來助陣，那評分低一點，經費少一點，不是很合理嗎？馬傑偉並不同意。「呢個係對學者的stigma，在個遊戲入面低分，會鼓勵佢做其他野囉，起碼唔會做國際visibility低、獨特嘅嘢。」在現存系統下，不少獨特研究，都變成了「要argue、justify」的異例。「咁當事人就好無癮囉，要花好大氣力去解釋，為求穩陣你梗係go for 4-star啦，go for大隊啦，學者會權衡輕重。」TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。; n0 W+ ~' e9 X/ G- L

新制度生產新學者
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。3 ^) p* q' Z' o
不過話說回頭，學者不是鐵板一塊。馬傑偉強調，在時代的制度下，會訓練出一批新的學者。「會在institution入面adapt、生存，然後再追求一些成就。」他舉例，「呢個制度下，搞本土的，可能會整咗個會講廣東話的Gordon Mathews出來囉。」Gordon Mathews因研究重慶大廈的低階全球化現象，而在近年國際學術界享負盛名。「又或者一個香港仔，會搵到好特別的案例，寫中又得，寫英又得，百足咁多爪，咁都得架。我都見到有咁嘅人喎！」他拒絕悲觀。但有人有膽色有天分去駕馭制度，也不代表什麼吧？馬傑偉點點頭，「教資會的領袖應該喺個制度上等佢flourish，而唔係等一個天才，好似沈旭暉，呢樣得果樣得。」TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。+ s) M: j" E; X# {- V
/ e; N; h, H8 U- e9 G- _* z, \' S
畢竟，香港只有一個沈旭暉。近年走在大學校園，馬傑偉碰見的年輕學者，多是灰頭土臉。「依家入嚟嘅好辛苦。我唔係睇到太多對人、對社會、對自己呢個研究的熱情……可唔可以增進到人對社會的了解，對人性的了解……嗰啲比較終極的問題。作為一個學者，你覺得好有意思架嘛，諗呢啲。嗰種愉悅的感覺、感情，依家好少見囉。反而係愁眉苦臉呀，『又被人reject咗』，嗰啲囉。」
$ {0 s# a4 L3 S- k
馬傑偉摸摸嘴唇，陷入沉思。

「以前個腦無咁多把尺」

我知道他想起當年。「我初初嚟的時候好enjoy，對知識有一種好強的好奇。我覺得做研究好有社會作用，完全唔理會嗰啲評核標準。總之我用盡我的方法來做教學同研究啦。」當年根本沒那麼多「評核」和「標準」。「學者個腦入面無咁多把尺……」馬傑偉打個比喻，「其實唔止尺喇，係刀槍劍戟嚟喇，你做唔到就會拮到自己。」於是，學者們只得遵照標準做人。「起碼要達到那些目標先，嗰啲係生存的首要條件囉。」+ H) [& g. R1 e7 D# n' Q

但他始終覺得這些尺是有需要的。現代社會看重理性、秩序，學者做學問，跟消防員救火，中醫師執藥一樣，都該要有規則要守。「只不過學術界以前有好勁的學者，係expert嚟嘅，（大眾覺得）憑良心啦，他們會有對知識追求的真誠。呢個係good will，但good will好難做資源分配嘛。」於是就需要一套制度去管。5.39.217.765 [  x; c4 b# t; |% s5 w# L

這豈不會滅掉學者們那團火嗎？馬傑偉不完全同意。「咁又唔需要浪漫化舊時嗰種。等有心的學者自發上天入地，嗰個係好美麗的圖畫，好rosy咁。一百個都有十個八個會咁，然後可能有幾十個比較懶啲，但爛船都有幾斤釘。仲有啲就唔鍾意做研究，只鍾意教書……舊時陳特呀沈宣仁呀，最尾十幾年乜都唔寫架嘛，但係就好有wisdom咁樣。」他想強調的是，有稜角有熱誠的學者，向來不是多數，學術圈子裡一直充滿著不同的人物。「無咗啲尺，學術界就有好多唔同的奇怪人物囉，咁就係佢可愛的地方。依家有哂尺，就將奇形怪狀的人，收窄為一個standard。」

這關乎學者的責任。在發掘有價值的新知識以外，馬傑偉看重的，是對大眾的啟發：「有部分學者比較能夠啟發人呀，走入人群呀，帶他的知識同社會有碰撞呀。這些學者會愈來愈少囉，咁……都幾sad架。」

「我唔識面對有心的年輕學者」

訪問期間，馬傑偉一直保持心境開朗。對於「標準」、「尺」、「評級」，他都予以肯定，堅持不樂觀但也不悲觀。但談到年輕學者的處境，他不禁嘆氣。「年輕人始終有種情懷，嗰種情懷我哋呢啲『老油條』睇化咗就少架嘛。但係佢最有情懷的階段，就有咁大壓力，要佢喺個六年入面要produce，咁咪……」他找不到貼切的形容詞。「如果畀我翻轉頭，而家三十幾歲，再選擇職業，我一定唔會做教授！我的情操，唔會鍾意做我依家嘅嘢。」

有的年輕學者在制度裡迷失，有的想入場，卻連門都沒有。「係好難架，佢唔fit囉，入場都入唔到。」要fit，就要學習遊戲規則。「依家有啲一入嚟就話『我有幾多篇SSCI』（社科期刊的國際指標），咁囉。」語畢，馬傑偉呆了一會，再說，「That’s why我唔再take研究生喇，我唔識講唔識教，學我就死得，即死。」他露出慘笑。「我唔識面對後生、有心的學者，更唔想見到他的熱情慢慢消失，對我嚟講，係好sad嘅。」

因此他說，自己只會留在大學多一兩年。是時候淡出了。「我覺得我……（想了幾秒）唔應該再教書囉。我嗰一套在新的環境下唔係好適用囉，應該畀更加精通、更加可以幫到學生的老師教。」他摸著自己的嘴唇，又靜了十數秒。「不過我係開心地走嘅，覺得好似一個一個浪咁，希望新generation的local scholar都有一種對社會的關懷、文化的關懷，用學術的形式去回饋社會，回應時代。」
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。4 Y+ w- ?- t- x1 j
「我個方法現在未必在這個制度裡面做得好……」這個前浪，摸摸嘴唇。「……或者得到好的評分。」語畢，我們相視而笑。
公仔箱論壇1 j) M9 ]7 F! K9 d- _$ P, ~
是苦笑，淡淡的。

附件: 您所在的用戶組無法下載或查看附件

收藏分享評分

回復引用

訂閱 TOP

返回列表

[時事討論] 什麼制度 什麼學者 — 專訪馬傑偉

[時事討論] 什麼制度什麼學者 — 專訪馬傑偉