我真係越睇越覺得雲戈爾唔適合教曼聯！之前六連勝唔係曼聯踢得好，只係死好命啫！到最近艾殊利楊格受傷，而雲戈爾堅持踢 3-5-2 陣式就出事嘞！根本曼聯現有嘅中堅完全唔夠級數，勉強去踢三中堅陣式，無疑就係自掘墳墓！
講番曼聯輸俾修咸頓呢場波，以踢正選班球員，加上白連特終於傷愈復出，點解雲戈爾唔排 4-2-3-1 陣式去搶中場，而反而要白連特踢中堅，浪費咗佢喺中場嘅掃蕩能力！以我個人認為應該排華倫西亞加梳爾踢左右二閘、菲爾鍾斯加史摩寧居中，卡域克加白連特踢防中，廸馬利亞同馬達在左右兩邊策動攻勢，而朗尼就後上支援單箭頭雲佩斯！但係我真係唔明點解會擺一個創造力強嘅廸馬利亞拍住雲佩斯踢最前？雲佩斯一直都係鍾意踢最前一個，雲戈爾無理由會唔知！比賽進行時嘅換人行動亦都令人莫名奇妙，將白連特推去左邊，馬達同費蘭尼踢到最前，布力基踢左中堅，雲戈爾真係唔想輸都唔得！為咗最聯好，我認為雲戈爾唔應該再堅持排無好中堅嘅 3-5-2 陣式！
如我有講錯，希望各位師兄可加以指正！ |
發表於 2015-1-13 12:57 PM
| 
