拿玻里冇爭放生里賈納

may5411

　　意甲臨近季尾，特別多默契波出現，雖然自電話門事件後，今季已經收斂好多，但幾支護級球隊，近期都不約而同主場贏波，從賠率變動同飛數睇，已發現一點端倪，今晚護級分子里賈納主場出戰中游球隊拿玻里，主隊讓平半兩支南部球隊一向有偈傾，冇好爭拿玻里，放水一都唔奇。

　　周中帕爾馬主場對巴勒莫，賽前飛數一面倒落主隊身上，雖然帕爾馬好快就踢少一人，但竟然係先開紀錄一隊，之後巴勒莫亦有球員被逐，帕爾馬最終補時階段贏二比一，好似有晒劇本咁，所以話意甲季尾波，投注前要特別小心，唔可以單憑實力同賽績判斷，仲要計埋兩隊關係同積分榜形勢。