yxx01

https://pbs.twimg.com/media/D_nxR76XkAM71jJ?format=jpg&name=medium

https://pbs.twimg.com/media/D_nxR76WwAALo5v?format=jpg&name=medium

https://pbs.twimg.com/media/D_nxR76WkAEBrKe?format=j ...
BeiDouChef 發表於 2019-7-17 04:05 PM

又来challenge

4461

流到不能 4大影帝做柒事

追龍II 賊王 Chasing the Dragon II: Wild Wild Bunch

呢部真係一部唔洗錢都唔會/唔洗睇既戲，而我去睇都只因唔洗錢，同埋有朋自遠方來先迫住睇！咁王三日的確唔會令我，令所有人失望！除左保持一貫翻炒既作風之外，成部戲笑又無野好笑，打又無咩好打，一味就TUNE 到色好似好特別，扮哂高級咁。得閒整隻英文歌，無情情又整個爆炸，最後就梗係飛下車黎個結尾大作戰。我估大陸人都唔會BUY，成品出黎比80年代既動作片更差。

一開場仲要寸下英國97就走人，咩都唔理先會有新一代梟雄出現，拍大陸片咪算囉，呢D說話真係唔需要多講，好反感！再講，一部合拍片你可以拍出D咩呀又？奸人必定要死，好人一定好到底，你D新女又唔可以除衫大攪特攪床上戲，最多都係露下腳，背，一埋牙又點到即止，咁你仲可以有咩玩法？有咩符FIT 呢？

而最低能係用番追龍呢個名，大佬～你唔係以為上集好成功呀？追龍係道友TAKE 野既稱號，追龍2？ 有咩好用番呢個名呢？唔係諗住玩系列嗎？都無題材可以拍啦，王三日難道你可以翻拍人肉叉燒包咩？

故仔係借大富豪張子強既幾單巨案做開頭，呢幾分鐘起字幕絕對係成部戲最好睇，一來剪得緊，最緊要係有Beyond 既我是憤怒，呵呵！之後大SIR任達華就搵古天樂去做臥底，潛入去梁家輝既集團。係呀～又係呢味呀，悶呢？

古天樂搏下人心，入去坐完出番黎就埋到堆，話咁快就得左！係呀，唔係邊有戲做？其實梁家輝就知佢係死黑警，綁完新目標賀生，咁就利用古天樂去拎贖金，一睇就知咩事，完完全全地拎警察故事2中既陳家駒，著住件搖控炸彈衫去拎贖款，話唔係抄都唔信啦！而古天樂又係拆彈專家，係屋度拆都拆左5分鐘，扮哂緊張，跟住就封哂街同公路飛車扮大場面，老老實實，空洞無力，就算俾大量資源你，係拍唔出就係拍出，無計！

講就好聽，咩4大影帝喎，4個人好認真去做一件好流既事，出黎係特別難睇。先講梁家輝，係既，的確有點狂妄狂傲，霸氣，但就係差緊Ｄ咁，呢種戲，點都係周朝先最入型入格D，咁大D 哥都唔錯既，總之呢個龍志強立即比下去，唔知係造型問題定咩，呢個梁家輝老態得好緊要，好難睇！

古天樂？唔需要講吧？真係拎影帝就叫好戲咩? 又係A 髮型，A對白，A樣，A眼神......點都係好認真去做一件好流既事既表表者！林家棟，真係好好戲，好好戲咁去做一部爛戲，呢D戲好心拍少D啦！點認真做都係一隻大茄。任達華就客串者，又係同類大SIR 角色，零發揮可言。

人生又無左兩個鐘....唉！

4461

所謂大片就係咁？ 真係死得！

掃毒2：天地對決
The White Storm 2: Drug Lords

用上掃毒2已經係失敗，trailer同making of 爆哂重點又係失敗！無乜期望去睇都幾失望吓。

一開場，過去式中劉德華同周秀娜狠鬧一場交而分手，估唔到周秀娜既戲比劉德華更好，雖然硬口硬面，但比鳩叫點都好得多。古天樂就犯社團規舉賣粉，劉對古執行家法，無咗三隻手指，兩兄弟就此反面。另一邊苗僑偉掃毒，愛妻意外慘死。再用一首歌加字幕既時間就交代咗劉脱離社團從商，古另起字頭，賣粉成皇，苗有女初成長。主線同掃毒1相同，都係三個主角拉埋一條線。

跟住周秀娜原來有個仔，劉去搵佢時意外死咗！令佢更恨毒犯。再到苗僑偉收到料有大毒品交易，節奏之快，真係唔講笑！咁就嚟場動作戲，D畫面快到好似當年菲林調快格數咁，係咁開槍，車撞人，打死人。忽然走咗班人出嚟搶貨，其實係劉出手喺背後控制，打擊毒犯。再之後醫院搶犯，你會感覺到一陣八十年代港產片既味道，即係隨時開槍，枝槍子彈打唔完，賊視皇法如無物既老一派港片...

劉出錢打擊毒犯，黑幫中人人自危仲鬼打鬼。苗係掃毒組，古就要同劉死過，線就正式拉埋一齊，劉就想同掃毒合作，但怖局上中場悶咗，跌咗walt，少咗動作場面既爽快直接。明明節奏幾好，去到呢度忽然冷落嚟，講番家庭，感情。而苗僑偉成條線係完全夾唔到部戲。

當劉不停背後搞事令毒犯無好日子過，古就搵人暗殺劉，點知不成反而殺咗佢老婆，跟住最痴線既戲就出現啦！首先係分域碼頭街一場十幾廿架車既大槍戰，D車停定定，大家互射，中槍既中槍，死既死。古天樂開車走，劉德華追上去，由金鐘追到中環，德輔道中再追去皇后像廣場，跟住就本片重頭戲，中環地鐵站内大飛車再片落路軌撞地鐵，無論點睇都係失控，瘋狂，弱智！好明顯係風暴畢打街之戰，拆彈專家炸紅隧之毒入腦，再想打造一次搭實景造夢既場面。景係得既！的確真！但兩條友揸架錢九係咁片再撞地鐵就真係無聊透！如果拎高度戒備中既偷拍飛車，O記重案實錄既灣仔槍戰，點都赢出十幾班！有D野技巧始終行先，拎錢砌個景任你撞又點？無意義既！

套戲D配角好多，好奇怪全部都好少戲仲要好快死，係必死！跟住呢個跳樓，俾人掉落樓，一係撞車死，中槍死，連過吓鏡既馬都要死呀陰公！幾慘無人道吖。而每個演員都無咩特别，劉生....唔洗多講了，古天，一向格衰衰口賤賤既奸仔，苗僑偉, 幾有款但無特别，林嘉欣, 咁應份好戲嘛，同老公攤牌呢場的確幾好睇！其他？咪全部無戲，一係死哂囉！只能講人人交足功課。

而故仔方面始終出自李敏手筆，感情，家人線著墨好重，劉死咗個仔但無得再生，互有隱暪既夫妻，苗既女個好友死於毒品等等，但中段成個節奏慢晒，變成劇情片，但一有動作又忽然標童，文戲同動作平衡唔到。咁邱禮濤既功力我又唔質疑，所有畫面都準而有力，導演係絶無問題，只係成個勢吹大咗，特别係中環地鐵站呢幕，浪費哂！至少拆彈專家中既紅隧係言之有物既！

我估相信不少鍾意狗血淋頭既催淚戲，又鍾意亂開槍子彈橫飛既人就一定會覺得好好睇。我就麻麻啦，不能接受呢種盲搞大場面既戲，但佢既音響做得超好係真，靚聲到不得了，槍聲好響，特别最後一場隧道中D回音係超迴。

仲有，不可不提隻主題曲真係好難聽！“做兄弟......“起哂雞皮！

lhy92725

做乜踩到甘啊，个编剧同D演员得罪佐佢啊

BeiDouChef

把钱省下来
yxx01 發表於 2019-7-18 08:30 AM

真的是技術復刻 表情都沒

只是背景音樂值得享受

yxx01

所謂大片就係咁？ 真係死得！

掃毒2：天地對決
The White Storm 2: Drug Lords

用上掃毒2已經係失敗，trailer同making of 爆哂重點又係失敗！無乜期望去睇都幾失望吓。

一開場，過去式中劉德華同周秀娜狠鬧一場 ...
4461 發表於 2019-7-18 09:53 AM

依位代表 20% 遮

80% 的用户顶了这部电影[color=rgba(0, 0, 0, 0.54)]Google 用户

BeiDouChef

要老少咸宜
yxx01 發表於 2019-7-18 08:30 AM

今天6.2了

yxx01

追龍II 賊王
掃毒2：天地對決

原来两部都有古天乐做啊

yxx01

今天6.2了
BeiDouChef 發表於 2019-7-18 02:27 PM

回光返照

yxx01

真的是技術復刻 表情都沒

只是背景音樂值得享受
BeiDouChef 發表於 2019-7-18 02:25 PM

背景音樂去spotify 听啦

BeiDouChef

又来challenge
yxx01 發表於 2019-7-18 08:31 AM

那個app公司股票一日大漲
好像是俄羅斯

BeiDouChef

流到不能 4大影帝做柒事

追龍II 賊王 Chasing the Dragon II: Wild Wild Bunch

呢部真係一部唔洗錢都唔會/唔洗睇既戲，而我去睇都只因唔洗錢，同埋有朋自遠方來先迫住睇！咁王三日的確唔會令我，令所有人失望！除 ...
4461 發表於 2019-7-18 09:53 AM

你是星期四劇透下

BeiDouChef

https://wx4.sinaimg.cn/bmiddle/67e05fdagy1g52pgyjseuj22c0340qv5.jpg
goldmonk 發表於 2019-7-18 11:15 AM

那個圖我看不見