公民講場：年年估錯數鬍鬚曾收檔啦

財政司司長曾俊華（鬍鬚曾）去年估計，今年政府庫房有可能出現三十四億元赤字，點知鬍鬚曾又係例牌估錯數，截至去年底庫房已錄得四百幾億元盈餘，令庫房再次水浸。其實鬍鬚曾估錯數已經唔係新聞，而且次次都唔係估錯細數，而係大嗱嗱估錯幾百億，相信原因有兩個，一個係佢數口奇差，估極都錯，其次係佢專登低估稅收，製造期望管理。不過，無論係邊個理由都係難辭其咎，除咗佢高薪厚祿外，旗下仲有一大班經濟分析師，如果咁都可以年年估錯數，真係連成日喺電視扮財神嘅安德尊都不如，早啲收檔好過喇。2 x7 i) Y9 i. {0 F4 |7 j) n9 o