（1P.）包租公唔易做

koopi

每個月工資唔捨得玩、唔捨得吃、唔捨得用儲係銀行想保值，等將來養老都有個依靠，聽人講最好買樓出租。於是就將全部錢畀咗首期買個單位仔上車做業主。
因為係自已心血買番來，真係當自已仔一樣，就算叫清潔工打掃完都仲係覺得好似有啲啲唔OK，總係親自再拖下掃下地，擦擦家私、電器，洗洗窗簾、冷氣網、洗衣機、雪櫃、廚房好幾次，要睇到屋內每個角落都一塵不染先放心。再上網bid啲配飾會更加靚仔了。
搞掂嗮，一心諗住出租啦!!
等下一日等下一日都冇人問。。。點算啊？心啰啰亂，下個月供錢點算啊@@！！
終於等到有人來租了，個大男人親自老細。合約傾好曬簽過字，以為安心等租客幫我供樓啦。真係人算不如天算。。。
第一個月到收租期，本來好開心打本，見冇存錢，就問租客，個租客就話出差去上海過幾日番。算了，話曬係第一個月，自已摞D買餸存銀行扣貸款先啦。到第二個月又事件重演，個租客講去北京。。。第三個月、第四個月、、、都一樣。點解每個月到存租時都會出差，而且都冇多冇少啱啱走半個月。可能。。。可能我諗多咗呱？！半年過咗，我同樣係過半個月打電話問租客收租，他終於出事了。。。講老婆住醫院，我都唔好意思叫交租，依次拖到一個月先存。就係咁過一個月，再過二個月，過三個月。。。過都唔知幾個月了。個租客不停換人出事：啊媽死咗、老豆高血壓入院啦、仔仔眼病、囡囡又乜乜病。。。！！！有一日我係街到見到佢一家人有傾有講飲早茶，真係激死人。。。只係想拖租何必在咁多籍口，仲要出到屋企人生死來講，有乜胃啊！！咁算乜老細。諗來諗去都係貼錢叫咁搬算了，當同佢積D陰德啦。免得佢祖宗十八代為咗拖DD租金都被詛咒。
後來又租咗一個更可怕㗎租客，開始講自已係金融大廈3M公司做管理人員。第一個月存租金時講用跨行收手續費一蚊，他居然唔存叫我坐35蚊車去攞，我叫佢去同行就得啦，佢話好遠冇時間，我叫佢扣出來再存，又講扣咗一蚊就唔可以用櫃員機存整數，都唔知係唔係玩嘢。為咗可以及時存入扣房貸，死就死啦，每個月到期，一落班飛的去收租金。以為個租客就係咁，冇諗到。。。一上去就講燈泡換咗3蚊半要扣租金；又過一個月，講煤氣冇用到，煤氣公司扣咗5蚊半維修護養費要我出；反正每個月去收租都有新鮮事：房屋維修基金要3蚊7毫1要扣我租金、放一個年假，冇用到垃圾桶，要扣我13蚊5垃圾處理費。。。。到租期滿講扣費過本薄仔有2蚊3毫3係佢存扣費時積嘅利息係佢㗎，要我歸還現金。。唐唐大男人超級雞仔數都計到盡，真係冇出色。終於等到合同到期，得佢走了，為以有好日子過啦。。。
點知，租俾一個女仔，雖然係豬扒一塊，身材似河馬，佢仲自稱講香港中文大學讀乜博士。應該唔錯呱。沒租出一個月就講要出國講課，死叫要走人，叫我退錢。我話：都講好啦，你沒到租期唔退㗎，我幫你轉租好了。我日日發廣告，又叫地產中介幫租，租樓唔係一時半刻可以㗎。點鬼知個租客時時打電話來煩，就連深夜都唔放過我。。。煩啊！！！。終於等到一個新租客要租了。佢大發爛炸：講係我自已租唔關佢事，中介費叫我自已畀，屋企水電費又欠，到處邋遢到死，真係唔似個博士。算了，總算可以趕走個瘟神，自已俾就自已俾啦。後來轉租後，新租客講有份唔知乜資料係屋企叫我去攞，一睇先知，個豬扒只係香港大學一般在讀大學生，仲係被學校叫退學通知書一份“原來只係烏鴉扮天鵝”。。。
一直聽人講收租可以頂月供，做包租公好舒服，屋升值可以賣咗來賺一筆橫財。經過親身體現，發覺完全兩回事㗎。。。真係想賣盤算了。去地產中介問過下，伊家有價冇市，我入市時都算係高位、又加上利息，如果伊家賣盤一定蚀本。。。。煩啊！！

koopi

唔好意思，標題打錯字。
應該係“一手房東唔易做”

zhuce-tb

也是啊，遇到好的租客就省心，遇見差的租客那就悲劇了……

qookena

找好租客可是不容易啊

koopi

多謝你哋同情啊

koopi

過來睇下啦。。。

km8000

咁做包租婆啦  

koopi

你意思：係唔係老婆出馬

CC517

包租公, 你D字轉返藍色或者黑色啦, 咁長篇嘢睇得好辛苦, 希你個租客唔好變租霸祝你好運

koopi

多謝意見，改好了

CC517

咁好好多

koopi

請問：仲有無D可以治租客嘅意見啊

lhy92725

出租真是几怕遇到吾好嘅租客,如果情况吾改善,可能要行正式途径去告佢咯

daviddn

撑你，包租公真係唔易做