p.s. the following information is from Wyman Labeling
Wyman, 冇錯, 就係填詞人黃偉文先生
一直很少寫產品介紹, 但這兩兩星期收到份好"得"的禮物, 是兩件不敢穿的衫.
穿上了然後著殘就只得我一個人快樂, 這兩件好貨到死那天大概還是未有很多人見到過, 這是對好東西最殘忍的懲罰, 現在拿出來大家看看才為己有, 起碼有個博物館的門面, 打著公益活動的招牌巡迴展出一週, 精神上分甘同味,起碼可以替"好野從來只得少數人士享受"這個說法過過冷河, 睇過, 都算享受卦.
結果雖然仍是被小弟中飽私囊, 到底做過了這場拜神切燒豬的開光儀式, 感情上起碼對得起我這班有福同享,同享唔到都有聽秘密特權的讀者朋友.
各位自己人, 請伸隻耳仔過嚟.
呢件nike呀, 如果我今日唔寫著咗出街, 你撞到我時大概都會覺得"唔, 是件幾靚的衫", 但除了靚之外, 你不知道我穿起時那種被科技感動的感覺.
nike patchwork m65 military jacket
由於2個月前nike方面已送過一件全防水物料的黑色m65過來, 今次這件變形親戚我看是新色新圖案吧, 靚,開心,但nike的b小姐f小姐似乎expected我開心到飛起,而我無,因為睇唔出除了配色比上一件大膽之外,這件有乜咁把炮值得忘形, 對於點極都唔明的我,b與f已經不耐煩,決定自己放貼士"呢件全亞洲暫時得一件咋!"我仲以為只不過是個出產特少的特別版而已.
"唔係呀!" 有人卒之忍唔住"呢件衫係用咗好高科技整架,由於生產成本太貴, 所以暫時唔打算推出,淨係潛咗件試版俾你咋"
咁有我心?但看來看去看不出這件m65有什麼咁巴閉.
係乜野咁神奇呢.睇唔出,不如試試,翻開jacket的內膽才覺詭異.
原來真是逐塊格絳上去,即係話面頭7彩格仔不是印上去或者laser print上去的,是真正逐塊patch上去的,但為什麼一啲絳線口都見唔到呢?睇睇簡介原來係用咗一種類似低溫燒焊的方法將類似goretex的防水料焊接,而且不是我們常見的patchwork, 布邊有部份重疊凸起一條邊的造法,而是那各種顏色的碎布渾然天成地以科技融鑄在一起,形成一大片又平又無絳的衫身,就係唔入水,講完.到此我信他們一定是用了種我未聽過的先進科技完成這件最常見最basic的衫款.
還有個抵死的地方,因為這件衫物料全由電腦監工機器製造,所以每件m65上面黑白紅片的組合都是抽random抽出來的,因此這件野其實是軍褸界的"椰菜娃娃",理論上是無一件重複無一件一模一樣的.
咁犀利的一件衫會唔會俾我兩野搞掂佢殘哂爛哂呢,心理壓力好大.不過,我的哲學是越愛的衫應該越著得多,難免會黑左一笪,刮花,穿窿或披口,其實都是愛的表現,所以我不單止不介意,甚至還有點因而自豪. |
發表於 2007-12-2 08:59 PM
| 
