警封維園入口還要講大話

警方前日在六四燭光集會舉行前，竟關閉維多利亞公園的興發街入口，令不少參與集會的市民被迫繞過維園泳池，兜個大圈才能進場。警方發言人堅稱當晚近 8時才截龍，但不少參與者力證警方講大話，支聯會主席李卓人狠批警方阻撓集會、試圖「㩒低」參與人數，強調會向警方嚴正交涉。

想㩒低參與人數過往的六四燭光集會都由支聯會負責維持秩序，但警方前日卻僭權，在維園球場尚未坐滿時便主動堵截人流，禁止市民由興發街入口進場，令很多人要繞路遠至維園泳池。支聯會常委張文光指有市民未能進場被迫離開，質問警方：「乜家我哋係去泳池集會咩？」警方發言人稱，由於人流過多，當晚近 8時在興發街入口實施疏導人群措施，指示參與者利用鄰近入口前往會場。他強調，當人潮疏導後，該入口已重開，警方尊重市民集會及言論自由，亦致力協助主辦單位。然而，不少參與者踢爆警方早在集會開始前 40分鐘已經截龍。民主黨立法會議員李華明一家三口晚上 7時 20分抵達天后時，已發現警方封路，「我哋要穿過天后巴士站，再兜返出去沿維園泳池一路行，行咗幾十分鐘先去到草地。泳池嗰條路仲要好鬼窄，最多行到三個人咋」。歷年參與集會的李華明稱，從未試過被禁在興發街入口進場，「唔知點解今年咁快就封晒條路」，他批評警方安排非常惡劣：「咁樣係添煩添亂，阻撓啲人悼念！」參與者許小姐也力證，她在 7時 45分與友人準備經興發街入口進場時，警方已指示人潮兜過泳池進場，「唔知點解仲要喺巴士站兜個 S形先行出去」，足足花了 45分鐘才到達維園草地。她批評警方安排失當。李卓人斥警方有意整蠱支聯會，質問：「係咪想㩒低參與人數？」他強調會與警方交涉 tvb now,tvbnow,bttvb B6 S/ S, f" [6 I2 @, \. S: Z