nt1972

VIP

Rank: 19

VIP勳章

1^#

打印

字體大小: tT

發表於 2009-7-9 05:21 PM | 只看該作者

跑車 Bye Bye！激改貨 Van潮 Toyota Hiace 2.5

香港已經愈來愈少人玩中下價跑車，跑車少就自然改裝少，所以好多改裝鋪都轉型改貴價 supercar，好似香港改裝龍頭 Top Racing咁，而家門口已經絕少飛仔車，換來一大群百萬 GT-R！

奇怪係近期門口忽然多咗大批貨 van，部部改到惡形惡相，絕唔似送貨。細問之下，原來香港改裝風氣已兩極化，唔只有錢買supercar的車主肯使錢改車，連揸貨 Van搵食的都捨得改，使 10皮嘢改貨van的車主大有人在，而且改完性能快到嚇親人！揸一般陳年飛仔車的真係咪立亂埋佢哋身！

據 Top Racing主理人華哥講，絕對唔可以睇少 Hiace呢個改裝市場，因為新款 200系 Hiace新車豪華版郁吓都成26萬，夠你買部靚到盡 06年易手 Z33，車主絕對唔係揸舊款嗰批打工仔咁簡單。而且新Hiace大咗、豪咗、舒服咗，仲有埋自動波版，柴油偈油費又平，吸引好多人買嚟當 MPV咁用，所以肯使錢改裝的人多咗。同舊款Hiace改裝最唔同係，舊款多數只改包圍玩 outlook，不過因為新 Hiace改用turbo偈，改裝效果大好多，所以多咗好多人改性能。日本方面本來專改跑車的 HKS甚至連強化電腦都有出，好似呢部咁，改咗最新 F-COND電腦，用馬力機度，就由原本 98匹暴增至 125匹！揸開私家車睇到呢個匹數會唔當係乜，但實際試車你就知癲！

原裝 Hiace 2.5落轆只有 98匹馬力，經改裝後馬力提升到 125匹。

量度馬力時，師傅會將 Hiace原廠數據輸入電腦，如軸距長度及引擎形式等。

經滾筒式馬力機量度後，勁改 Hiace最大馬力在 2,900轉釋出 125匹（綠線），由頭段至尾段 power比原裝（紅線）強接近 30%。

Toyota Hiace Tuning Spec.

專改 GT-R的 Top Racing負責人華哥說新款 Hiace性能改裝潮已起，熟客有成 40個。

引擎
HKS F-CON D電腦
Sun Auto InaZma Accel電子油門
訊號放大器
Tanabe Medalion g-fordan中至尾喉

車身
KENSTYLE包圍
Crave電鍍鬼面罩
Bride XAX II賽車桶凳
VIP款電鍍合金軨

車架
GAB TOP避震機
Cusco底架套裝

制動
Brembo 4-pot迫力卡鉗
DEXCEL M-Type迫力皮
DEXCEL HS Type迫力碟

其他
Blitz turbo timer
Defi turbo bar表
D.A.D車廂裝飾
DLS音響系統

總改裝費：約 8萬

改 Hiace潮
Hiace在日本除了是輕型貨車之外，更加屬於潮車之一，唔少潮人都鍾意當佢 box car咁激改代步，玩法層出不窮。

激凸包圍
上代 Hiace外形改裝最誇，啲頭鏟尾翼全部飛晒出嚟，不過新款 200系 Hiace仲未有呢類包圍出，頂多只係改吓泵把同鬼面罩，暫時最型就有 Boxstyle呢套車頭激凸 20mm大包圍。

自搞變豪車
呢期㗎仔就興將 Hiace尾箱換凳變豪車，仲將前、中、後排 3排凳包晒豪華格仔真皮，坐入去隨時舒服過你老細部 Alphard。

爆音必 show
每年東京改裝車展都有 Hiace改裝專區，上年就有一部 Hiace就將成個尾箱裝咗 28隻 Rockford T162C喇叭，仲寸到擺埋張 Osim按摩凳落去。

尾箱變浴缸
潮人鍾意玩 Hiace，貪尾箱夠大，改裝玩法多，除咗玩豪皮籠同爆音外，癲到將尾箱變豪華浴缸，揸出街都有一流享受！

變埋大睡床
爆音、浴缸太誇唔算多人玩，所以現時日本最 hit係換晒可以摺合變平台的中後排座椅，唔載人時就可以變平台載貨或當床瞓，等開工最 fit！

跑車化包裝
就算改到幾勁都好，原裝 Hiace白雪雪似足嚿飯糰咁薯，所以未搞性能之前車主已經先搞惡個外形。一套 KENSTYLE型仔包圍outlook夠晒貼地，車主喺日本 yahoo bid返嚟二手貨都挨住成萬，加埋個要成 2千幾蚊的Crave電鍍碳纖鬼面罩同套黑銀色靚軨，已辣過原裝車 10倍以上。

打開車門，望兩望仲激，誇到將一對落得場的 Bride XAXII桶凳裝落部 Hiace到，成部車 racing感覺激增 100%，加埋 3幅式 Sparco賽車軚環， Blitz turbotimer及 turbo跑車專用的 Defi bar表，成部烈火戰 van咁款！

一對接近萬元的 BRIDE XAXⅡ桶櫈，竟然誇張到裝落部貨 van到，爆到七彩。

車主林先生成個籠大玩 D.A.D潮物，如波棍頭、倒後鏡及冷氣掣全部 bling bling。

增馬 racing電腦
這部 Hiace全車最堅改裝，肯定是換了啱啱到港 1個月多啲的 HKS F-CON D racing腦，據改裝這部 Hiace的 TopRacing負責人華哥所講，裝咗電腦即可將 Hiace輸出激增約 30%。「其實香港一直都好多人玩 Hiace，不過電腦改裝好少，日本HKS都係啱先出咗專為 Hiace而設嘅 F-CON D電腦，主要從新編寫供油、入氣量同點火時間，冇改 turbobar數，唔會太影響引擎耐用性。而且安裝好簡單，只係要將電腦駁落原裝腦就得，不過由於日本 Hiace同香港Hiace有某啲程式唔同，所以我哋賣街電腦已經重新寫過，無論你揸 2.5定 3.0 Hiace都一樣啱。」

更正係 F-CON D跟咗個附加 on/off掣，開工時唔想咁激，熄咗佢就可以用番原裝腦；趕住送貨或想飛兩轉時㩒個掣即可變 sport mode，而且這副 F-CON D只賣$4,800已連安裝，比私家車 racing腦平超過 1倍以上，買嚟玩絕對唔貴。

如果你部 Hiace裝電腦前已經大量改裝， F-CON D電腦更可以重新編寫，不過馬力機 set車就要額外畀多$2,000。

Defi turbo bar表，作用是監察 turbo運作是否正常，可以講是 turbo車必備。

InaZma Accel油門訊號擴大器，分 normal、 S1及 S2 3個 mode，可增強油門反應。

Tanabe Medalion g-fordan中至尾死氣喉，由 SUS 304不銹鋼製，排氣阻力低原裝 40%以上。

唔再似坐船
Hiace車身重心高，車架腍避震未夠硬，原裝車似坐船，車主林先生話揸過 120km/h部 van王仲好飄，想好飛，車架避震一定要強化！

「我部 Hiace就換咗全套日本 Cusco底架，一套有成 9件咁多，可以將成個車架加硬20%以上，裝咗之後上壆車架唔易扭，轉彎連軚感都定好多。避震機就換咗 GAB套 TOP，原裝有8段緩衝力調校，想避震軟啲硬啲都可以自己校。唔好以為換硬避震淨係為好劈，事關部車放滿貨時都冇咁易刮底，如果用原裝避震我諗套 lowdown包圍已經爛咗好耐！」其他改動方面，這部激改 Hiace還有一套 DC5的 Brembo 4-pot鮑魚，大迫力碟及一套Tanaba中至尾死喉，改裝幅度拍得住啲新款 Type R！

全套 Cusco底架共 9件，車架及懸掛所有受力位置全部鞏固。

Hiace的專用避震機唔多， GAB TOP就是其中一款，有 8段硬度調校，支撐力比原裝高約 40%。

VIP look電鍍合金軨與加了包圍的 Hiace絕配，軨內為 DC5的 Brembo 4-pot鮑魚。

DIXCEL M-Type 0-500嵖迫力皮，著重提升制動力為主，專為 Hiace而設。

地板油試轟

筆者揸過的 Hiace唔少，今代 2.5版同 3.0版都試過，原裝車有幾多斤両好清楚，試今次部改裝 Hiace正好作出比較。跳上車校好對 racing到暈貼身 Bride桶凳，氣氛已經似足試跑車，加埋部車經 low低約吋半後，重心明顯低了一截，感覺好跑得。

波棍拍落 D波踩油起圍，出名低轉扭力誇的 Hiace經改裝後度力再放大約 2成以上，燈位起步分分鐘快過Civic！加埋條中至尾喉有聽覺享受，揸住佢你自然會繼續踩油 keep住去，全程地板油行車，由 1,000轉飛到上 3,000轉，呢部Hiace絕對可以用勁字形容，唔經唔覺踩段直路仔原來已過 100km/h，最堅係仲大把在手。飛完一段公路，回程時再試試將 F-COND電腦按去 off，估唔到成部車即時好似唔見咗 2成功力，唔怪之得華哥話電腦到咗個幾月，已經爆賣近 40部！

收藏分享評分

回復引用

訂閱 TOP

ming6680