HD 800 56mm大震膜

，描述： HD 800 56mm大震膜

有人話「音響世界是用金錢堆砌出來」，為追求完美音色，發燒友由擴音機、高中低音喇叭到線材都會要求極品，作為個人耳機亦不例外，sennheiser新發佈頂級耳機 hd800，音質完美程度已經到了不需要專業用家分析，難怪張敬軒都讚佢「聽落可以放鬆頭腦，可以幫助創作」。

軒仔參考級耳機
軒仔做 sennheiser代言前，已經用緊佢哋嘅無線私家咪；佢認為 hd 800稱得上參考級耳機，音色舒服，可以放鬆頭腦，有利創作歌曲；既然係 fans， sennheiser亦好識做送出一套 hd 800畀軒仔，讓佢成為全港首個用家。

外形有氣勢
hd800是 sennheiser旗艦級耳機，採用直徑 56mm單元，是現時動圈式耳機中最大！特闊6-51,000hz頻率範圍，可造出良好空間感，好受一眾音響發燒友期待；從外形看絕對份量十足，所以會較適合留在家中細味品嚐！雖則體形龐大，但戴起來不算重，唔怕聽到頸痛。現場實試可感受到高音清晰度高，同時低音又可保持實感，單就這點，好多耳機還未能處理得好呢！

樂器在耳邊
據廠方資料，除外形花心思，發聲到低頻驅動系統亦用上最新技術，目標是重現自然音場及廣闊音域；試聽後，感覺就像置身劇院現場，用來欣賞古典交響樂，效果尤為細緻理想，甚至可以聽到樂器音源位置，現場還聽過軒仔首《披星戴月》，更可盡情發揮高音演繹！ hd800戴起來舒服的同時，不覺悶熱；不過隔音效果較一般，身邊有人說話會聽得好清楚，所以要找個寧靜環境才能好好欣賞。