大佬希最擅長既係頂上功夫，
用快同靈活既前峰同佢比跟本就無得講。
講真，講到應付高波，除左對面係杜巴巴之流，仲有咩人會勁過大佬希？
要mark快人就唔該搵個快人mark，加上隊波本身係行zone marking，
一早就應該要預左有人要彌補返附近其他隊友既不足！
就好似大佬希的頭球幫左艾加唔少，好多高空球到既時候都係大佬希迎頂返出去！
係領先一球下，不斷被高空轟炸的時候，有大佬希係度個心都定d！
點樣要令到對面落後，打到無晒章咁焗攻，呢個係前線球員既責任！
中前場壓得好，亦都會增加對手求求其其斬個高波上黎既機率，
與此同時，亦增加大佬希頂返個波俾隊友既機會。
足球比賽，永遠快放甩唔快，矮小頂輸俾高大，係一個永恒定論咁濟！
大佬希跑唔win奧雲係定論，但頂一百球奧雲又有幾多球頂win大佬希？
足球又有幾多個真係異數，又有幾多個又快又高大？
之所以踢足球打籃球都會有唔同類型的人嘛。
無錯，大佬希開始老了，但係利記，佢仍然係一個重要球員，仍然扮演重要角色！
一個肯打後備又無怨言，落到場依然睇到佢作用既前利記隊長！
大佬希，我愛你！ |
發表於 2008-11-17 10:54 PM
| 
