聯合醫院水質乾淨過乾淨

醫院食水一定要乾淨，而觀塘聯合醫院嘅水質極可能係乾淨中的乾淨。聯合參加咗水務署嘅「優質食水計劃」，最後擊敗其他醫院，取得2008年優質水質的「金證書」。根據計劃要求，醫院至少每3個月清洗水箱一次，仲會測試醫院水內嘅 pH值、色度、混濁度、鐵質、含菌量等等。

聯合醫院連續5年符合水務署嘅標準，成為香港唯一在「優質食水計劃」拿金證書的醫院。不過呢張證書都得來不易，聯合醫院話，佢哋參加計劃之後，每年都要用1萬元要控制醫院水質，又要加多5個持牌水喉匠，負責有關水質工作，似乎真係不惜工本，對「金證書」志在必得咁話。佢哋咁落力，當然皇天不付有心人，畀佢哋攞到「金證書」啦。