[香港] 富豪走資 機構遷出 修例引撤資潮林鄭「焦土之母」？

• 

  
  ' M* I& W2 m: ?4 }4 W/ i5.39.217.76

• 

  ' t: Z+ n" F4 G. _
  

• 
  : Z+ L$ T4 A# p. b; p$ JTVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。

    

政府較早前堅決推動修訂《逃犯條例》，被批評為「送中條例」，結果引來滿城風雨，除咗有百萬人上街抗議、包圍立法會最終引致嚴重警民衝突之外，其實有好多“Smart Money”已經部署「走佬」，例如高銀金融(530)買啟德地撻訂、億萬富豪走資新加坡、沽空機構計劃撤出香港等等，可見「送中條例」對商界影響深遠，有金融界人士更笑稱林鄭月娥為「焦土之母」。

喺“Big Four”做嘅Sara話，佢間公司上星期都有出email，通知員工可以彈性上班，變相曲線支持員工出去抗議惡法，畀同事同埋行家大讚係「良心企業」；不過林鄭就似乎仲係唔肯放棄佢口中嘅「初心」，只係願意「暫緩」而唔係「撤回」條例，市民唔知將來會唔會又變相斬件推出「惡法」。所以佢都諗緊，唔知今日或者之後，公司仲會唔會響應三罷行動呢？

喺多間公司做執董嘅張總就提起，上星期立法會議員、高銀非執董石禮謙召開緊急會議，要求集團暫停出資購啟德地，已經係商界對「送中條例」嘅警號，話晒石禮謙都係最資深建制派議員喎！咁做法咪豈不是喺政府背後開槍？不過作為商家，當然梗係「身體很誠實」啦！

張總又提到，銀行業亦已經傳緊有富豪逐漸將個人資產由香港轉移到新加坡。咁都不特止，之前狙擊過長和(001)嘅沽空機構GMT Research，亦擔心針對上市公司嘅研究報告，會被中國指控為虛假信息，甚至聲稱影響國家安全，搞到員工被引渡，所以考慮撤出香港，前往新加坡或英國。